إنا لله وإنا إليه راجعون

مدونة أسيوط تنعى بمزيد من الحزن والأسى عالم و فقيه ومفتى أسيوط الشيخ محمد هاشم محمود عن عمر يناهزالخامسة والخمسين عاما
شيع الجثمان من المسجد الكبير بأسيوط محمولا على الاكتاف الى مدافن اسيوط فى حضور ما يقارب خمسة عشرة الف مشيع

للفقيد الرحمة ولأهله الصبر والسلوان

أحلى فتاوى مع الشيخ حلاوة

بشرى لحكام المسلمين

التعبانين من شعوبهم والشقيانين

فتاوى من كل صنف ولون

بس انت إيدك عالمعلوم

نقلب الحرام حلال والحلال حرام

ودام مولانا السلطان دام

صحيح شعوب تخاف ولا تختشيش

كل كلامهم مفيش مفيش

كفرة مايستاهلوش حتى لقمة العيش

وبيقولوا مولانا السلطان مات

جهلا وبتوع إشاعات

وهايخشوا النار بالميات

طيب عليا الطلاق من كل الستات

لاجلدهم فى ميدان عام

وأفرج عليهم خلقه والعوام

واهو كله فدا مولانا السلطان

وابنه الهمام

بشرى لحكام المسلمين

وكل سنة وهما طيبين

وربنا يخليهم ويموت شعوبهم أجمعين

اللهم آمين

و

أعزائى قراء هذه المدونة

بعد مفاوضات مضنية استطعنا أن نقنع الشاعر والمؤلف السوداوى ابن اسيوط هطلس والذى نبغ فى الشعر الأسود وشعر الرعب بأن يسمح لنا بعرض عملين من أعماله

العمل الأول بعنوان و

و

أيها الطاغية لا تنتظر المزيد من الدماء

فقد جف نهر الضحايا

ضحايا تلهو وأوثان تجرى

وشقراء تبتسم فى ميوعة

وصمت بطول العمر القصير

ومجذوب يضحك فى بلاهة

وظلام ينير الأفق الدامى

وحسناء تدنو من البحر

وأنا أصابتها البلاء

ودماء تغرق بداخل السماء

وسماء تنتظر

والعمل الثانى له الذى نعرضه اليوم كان مقدمة شعرية قصيرة لقصته الكوميدية الرائعة حدث فى وادى الصعصعون وجزئها الثانى وسقطت فى خليج البربون

حيث يقول

لا تبكى أيها الصعصعون الصغير

لقد أحضرت لك ماما كل ما تشتهى

هذه عين رمقتنى كثيرا

وهذه يد اهانتنى كثيرا

وهذه قدم ركلتنى كثيرا

أوه لقد أخطأت ماما مرة أخرى

فكلها أجزاء لشخص واحد

سنحاول عرض أجزاء من قصته الرائعة حدث فى وادى الصعصعون فيما بعد

عيـــــــد سعيــــــــد

عيــــــــــــد سعيــــــــــــــــــد

دعاء ليلة القدر لأمير الشعراء

يـارب هبـت شعـوب مـن منيتها

.

واسـتـيقـظـت مـن رقـدة العـدم

.

فالطف لأجل رسول العالمين بنا

.

ولا تـزد قومـه خسـفاً ولا تسـم

.

يـارب أحسنت بدء المسـلمين به

.

فتمم الفضـل وامنح خـير مختتم

العبيد لا يصنعون الحرية للآخرين

حينما تتأمل عالمنا العربي بوجه عام والمصري بوجه خاص وتبحث عن كلمة حرية سوف تجدها عبارات تمتلئ بها الصحف تتشدق بها الأفواه وتمجد الحاكم الذي منح الحرية.

"ايها الحاكم شكرا لك وندين لك بالفضل فقد منحتنا الحرية ونعيش في عصرك أزهي عصور الحرية"

حرية الصحافة..
حرية الرأي..
حرية العقيدة..
شعارات نحفظها عن ظهر قلب

هل الحرية عطية و منحة أم هي حق طبيعي يولد به الإنسان ؟
مشكلتنا أننا نعتبر الحرية رفاهية ومنحة يتعطف بها الآخرون علينا
فنقبل يد هذا وهذا لكي نحصل علي حريتنا
لماذا لا نعترف بأن الحرية هي حق الإنسان الشرعي ولا معني للإنسان بدون حريته
ولكن كيف لنا أن نفهم هذا فالعبيد لا يصنعون الحرية للآخرين
ونحن عبيد منذ ولدنا لم نذق طعم الحرية حتي نسترجعها
نتكلم عن الحرية في حين أننا نفعل ما يفعله الحاكم ونسلبها غيرنا بدعوي حماية الدين وحماية الوطن.
حماية الدين ...
كم من حرية انتهكت باسم الدفاع عن الدين
وكم من مناضل قتل وعذب وحبس ونفي خارج وطنه بهذه الحجة القديمة
لماذا لا نري غيرنا ولا نؤمن بأن هناك رأياً غير رأينا وديناً غير ديننا مهما كان
فعلنا مثل اليهود حينما قالوا أنهم شعب الله المختار
فقلنا أننا شعب الله المختار
احتكرنا الإله حصريا
الدين لله والوطن للجميع لم يعد لها مكان في بلادنا فالدين لإلهنا نحن والوطن لمن يتفق معنا
أما من خالفنا فلا وطن ولا مكان له بيننا
لا تلومو من يصافح عدونا فقد طردناه من بيننا فلم يجد ملجأً له سوي حضن العدو فبات ينتقم منا

على الربابة بغنى

كل سنة واحنا طيبين بيوم النصر والعبور العظيم وكل سنة والاسرائيليين متنكدين كل مايفتكروا اليوم ده

سقف الغرفة

مستلقيا على الفراش احدق فى سقف الغرفة
ياااااااه أخيرا هانام
الفاتحة وآية الكرسى وآخر سورة البقرة وقل هو الله أحد والمعوذتين
حبة أدعية والشهادة
تمام كدة الواحد مستعد للموت الأصغر أو النوم ويجوز تقلب لموت أكبر محدش عارف
تقابلنى كتير وشوش، قلوب زى البيوت، طريق مبعرفوش، يوماتى عليه بفوت، يوماتى عليه بفوت، سنة وراها سنة، أضيع هناك هنا، فى رحلتى أنا، الدمعة ليها صوت، الدمعة ليها صووووت
يا سلام منير ده فنان، مش تامر حسنى بتاع لو وقفتى على دماغك، فى واحدة محترمة تقف على دماغها؟، ده عمرو دياب بالنسباله قمة فى الأدب والاحترام
فعلا النظرية النسبية بتاعة أينشتين مش للوقت بس، دى للناس كمان
الواحد عايز يبقى يبص شوية فى النظرية النسبية دى يمكن أفهم حاجة
بس هافهم ايه؟ ده انا كنت أدبى وحمار بديل فى الرياضة
آه والله الواحد عايز يلعب شوية رياضة الواحد مفاصله بقت بتزيق زى مايكون عايزة تشحيم
بس الجون التانى بتاع الاهلى فى ماتش الاتصالات النهاردة كان حكاية، الواد بركات ده لعيب والله
ويانا يالسفارة فى قلب العمارة، ايه يانا يالسفارة فى قلب العمارة ده؟
آه ده صوت التليفزيون، مين اللى مشغل التليفزيون دلوقتى؟
انهض من الفراش لأجد ابن اختى الصغير يشاهد التليفزيون
قوم ياد خش نام يلا، بتبرتطم تقول ايه ياد؟
اطفى التليفزيون والنور ثم اعود للفراش
الواد بيبرتطم، شوية وهاييجى يدينى قلمين
عيال ايه دى اللى تسهر لحد دلوقتى تتفرج على التليفزيون، على كدة ماكناش عيال احنا
والله الدنيا قل خيرها خلاص
حتى رمضان مابقيش زى زمان وبرامج التليفزيون فى رمضان مابقيتش زى زمان
بس السنادى مسلسل الملك فاروق ده أستذة عالاخر، والله لولا المسلسل ده مكانش الواحد فتح التليفزيون من اساسه
طبيعى يكون كويس عشان المخرج بتاعه سورى لو كان مصرى كان فقعلى مرارتى
ويقولك مصر هوليود الشرق قال
الغريبة ان الملك فاروق كان بيعافر مع الانجليز وهما عنده هنا فى البلد امال ياخويا مبارك مش عارف يعافر مع الامريكان شوية وهما بعيد ليه
حتى على الاقل يعمله منظر، صحيح اسد عليا وعلى الاخرين نعامة
والبرنامج بتاع ابراهيم عيسى برنامج حلو بردو
ربنا يستر على ابراهيم عيسى لايتحبس
ياخى الواحد مش فاهم لما ابراهيم عيسى ده يتحبس امال ولاد الكلب اللى بينعروا فى الكليبات دول نعمل فيهم ايه
ورجال الاعمال والوزرا الحرامية نعمل معاهم ايه
هى مصر كدة الفالح فيها مالوش نصيب
ايه الضلمة دى؟ وليه الرعب ده بقى؟
آه ده انا افتكرت، عايز ابقى اروح اشوف د. أحمد خالد توفيق نزل حاجة جديدة ولا لسة
الواحد نفسه بتهفه على شوية رعب من بتوع ماوراء الطبيعة
وقال يقولك الضرايب مصلحتك اولا قال، الاعلانات دى رفعتلى ضغط دمى
المفروض يقولوا الضرايب مصلحة الحكومة اولا، مستشفيات ومدارس قال

ماحنا طول عمرنا قاعدين لا شفنا مدارس ولا مستشفيات

تلوث تلاقى سرطان تلاقى زيادة اسعار تلاقى سحابة سواد ماشى عبارات غرقانة وماله وزرا حرامية مايضرش

انما مدارس ومستشفيات اهو ده اللى ماشفتوش
خلاص مابقيش فى لا دم ولا ذوق ولا اخلاق ولا حاجة خالص
يلا، ليه تشغل بااالك مين يرحم حااالك
يووووه انا دماغى وجعتنى من التفكير
فكرة انا بكرة هاكتب بوست عن الافكار دى
واسميه سقف الغرفة
ايوة وهاقول فيه

مستلقيا على الفراش احدق فى سقف الغرفة
...................
...................