الخميس، يناير 25، 2007

فى عيد الشرطة

فى عيد الشرطة لا يستطيع الشعب المصرى سوى تذكر تاريخ هذا الجهاز البغيض الذى تفنن فى التنكيل بالشعب المصرى على مرالتاريخ منذ عصر المماليك ايام العسس والبصاصين ومرورا بالبوليس السياسى فى العهد الملكى وزوار الفجر فى عهد الثورة وانتهاءا بجهاز ارهاب الدولة فى العهد المباركى الفاشستى ورسالتنا إلى ضباط الشرطة فى عيدهم بعد فضائحهم المتوالية هى الله يخرب بيوتكم والبيوت اللى جنب بيوتكم ويورينا فيكوا يوم


وعلى رأى أحمد فؤاد نجم طفى النور يا بهية كل العسكر
..........
نتيجة الاقتراع الأول




الاقتراع الثانى



السبت، يناير 20، 2007

آخر موضة في نقد الإسلام

آخر موضة في نقد الإسلام اليومين دول عن عذاب القبر والآخرة
واحدة تقولك ياي الجماعة المتدينين دول متخلفين بيسمعوا حاجات مرعبة أنا مبعرفش أنام بالليل لما بسمع الحاجات دى
وواحد يقولك ازاى يعلموا الاطفال الصغيرين الحاجات المرعبة دى

عشان نناقش الموضوع ده بموضوعية ياخوانا لازم نقسم الناس دول قسمين، القسم الاول مش مؤمن بالمرة وده مش هانتكلم معاه غير كلمتين صغيرين: دلوقتى سعادتك لامؤاخذة مالك؟ فى ناس متخلفة وبتحب تسمع الحاجات دى انت متضايق ليه وزعلان؟ انت طبعا راجل متحضر ومش مؤمن بالحاجات دى خلاص كبر دماغك وعيش حياتك
هايقولك طيب والعيال الصغيرة اللى انتوا بتخوفوهم فى المدارس دول امل مصر وجيل المستقبل؟ ياعم هو فين التخويف ده هو مصر بقى فيها مناهج دين من اصله ولا حتى فيها تعليم من اساسه

اما بقى الناس المؤمنين اللى عايزين يعيشوا حياتهم وعايزين ناس تضحك عليهم وتصورلهم ان الموضوع بالساهل كدة اقولهم ان الموضوع ده ثابت عن رسول الله عليه الصلاة والسلام وورد فيه احاديث صحيحة يعنى الشيوخ اللى بيتكلموا فى الموضوع ده مجابوش حاجة من بيتهم هو يمكن ساعات الاسلوب بيبقى مش ظريف انما لو زعلان اوى من القصة دى اودامك حل من اتنين ياما ماتسمعش خالص وعيش حياتك ياما تتوضى وتصلى ركعتين وتدعى ربنا يشيل من عليك عذاب القبر ده عشان دمه غلس على قلبك وانت راجل مشاعرك مرهفة وحساس وقال يعنى بتخاف ويمكن ربنا يستجيبلك وتبقى انقذت البشرية كلها
لما انتوا حساسين وبتخافوا كدة طيب ماتتقوا ربنا بقى وبلاش شتيمة فى الاسلام كل شوية هو يعنى خلاص الكلمتين دول هما اللى عاملين رعب للناس، اومال افلام الرعب اللى الناس بتشوفها كل يوم وهى مبسوطة وتروح تدفع فيها فلوس دى محدش بيتكلم عليها ليه؟

صحيح لله فى خلقه شئون



بعض الخبثاء كلفونى بأن اسأل السيد الرئيس (قال يعنى هايرد علينا) بعد تصريحه الأخير بأن صعود الاسلام السياسى قد يؤدى إلى ركود اقتصادى هل هناك انتعاش اقتصادى الآن وماذا يمكن أن يزيد الاسلامى السياسى فى مصر الأمر سوءا أكثر من ذلك؟


كل عام والأمة الاسلامية بخير بمناسبة العام الهجرى الجديد


الثلاثاء، يناير 16، 2007

إفضحوهم

تجاوبا مع حملة وائل عباس صاحب مدونة الوعى المصرى على منتهكى أعراض الشعب المصرى ننشر صورة الضابط إسلام نبيه مغتصب قسم بولاق الدكرور ومعها كلام وائل عباس المنشور تحت الصورة كما جاء فى مدونته الوعى المصرى


هذا هو الضابط إسلام نبيه

مغتصب قسم بولاق الدكرور

اللي قال ان بولاق مافيهاش راجل

هذا الضابط من محبي مشاهدة اللواط كما ثبت من التحقيقات وشهادة

الشهود ولا تجني عليه ان قلنا ذلك

وهو الآن محبوس على ذمة القضية التي فضحتها المدونات

فلنفضحه وليرى الجميع صورته ليعتبر من يعتبر

كما فضح هو المواطن عماد الكبير سائق الميكروباص

لا لشيء الا لتسلية قذرة ولان عماد انسان ضعيف لا يعرف حقوقه في البلد

ثم حاول بعد ذلك الضغط عليه ليضعف ويسحب اتهامه

افضحوه

افضحوه

افضحوه

انتهى كلام وائل عباس ولا أجد تعليق أبلغ من شعر صلاح جاهين

انا كل يوم أسمع ........ فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه
عجبي

الأحد، يناير 14، 2007

خايف


خايف
خايف اصارح صاحبى بعيبه
خايف اسافر لجل اللقمة
وخايف أعدى جنب الكلب
خايف لما البوكس يعدى
وخايف منك يابن الكلب
خايف رأى الغير يعاندنى
وخايف أكره خايف أحب
خايف أهاجم غلطة شايفها
وخايف أشوف غلطة من الضرب
خايف آخد تارى بايدى
وخايف ينزل فيا الضرب
وخايف ألم الموت وعذابه
وخايف اخش النار من الضرب
خايف اخش الجيش واتبهدل
خايف اتجوز خايف استندل
خايف أخلف خايف اعقر
خايف اعيش عازب ومأنبر
خايف أغنى خايف أفقر
خايف البرد خايف الحر
خايف الأسود خايف الأشقر
خايف عمرى يطول فى الفانية
خايف أموت دلوقتى فى ثانية
خايف اتنفس خايف اكتمها
خايف أجيص خايف اكتمها
خايف اقول خايف واتلب
خايف اصحى خايف أنام
خايف اعيا ولو بزكام
خايف أخاف خوفى من الرب



محمد ممتاز عبدالقادر

الثلاثاء، يناير 09، 2007

ماذا يفعل السفير الأمريكى فى أسيوط؟

أمام البوابة الرئيسية الثانية لجامعة أسيوط اللى من ناحية نفق الجامعة وقفت النهاردة حوالى الساعة تلاتة وربع العصر استنى اتوبيس الشغل وعينك ماتشوف الا النور يا معلم السكة اتقفلت من الناحيتين وبوابة الجامعة اترشقت ظباط ولمحت على الاقل اتنين لابسين ملكى وطبعا دول معروفين مش عايزة نباهة، المهم المرور وقف بتاع ربع ساعة كدة لغاية ما وصل موكب طالع من النفق مكون من بتاع عشر عربيات كلها متفيمة وراح داخل جوة الجامعة
واحد صاحبى لمض حبتين راح سأل عسكرى المرور هو فى ايه يا ريس، قاله ده السفير الأمريكى طلع عين امنا من الصبح واقفين على رجلينا
ياترى يا هل ترى السفير الأمريكى كان بيعمل ايه فى أسيوط؟
اتصل بـ بزيرو تسعمية خمس تصفار دابل او زيرو وحاول تعرف الحل تكسب رحلة مجانية لمقر أمن الدولة بأسيوط اقامة خمس نجوم اوضة على النيل
وسوف نوافيكم بالاخبار
مراسلكم من أسيوط من امام بوابة الجامعة


تحديث
السفير الأمريكى زار فى أسيوط بعض المدارس بصحبة وزير التعليم مثل مدرسة الجلاء الابتدائية ومدرسة الزراعة كما زار السفير قرية العزية ذات الأغلبية القبطية بصحبة المحافظ


حقيقة لا أدرى ما معنى أن يزور سفير دولة محافظة من المحافظات ومدارس وكمان قرية ذات أغلبية قبطية غير المعنى اللى فى بالى


أقول لبعض قيادات الأقباط الذين يحاولون استغلال الوضع العالمى الجديد وتفوق الولايات المتحدة وخنوع وخضوع وانبطاح ولاة الأمر فى مصر بحجة الاضطهاد الذى لا يراه أحد سواهم ان الموضوع ده بقى الصراحة موضوع مش ظريف بالمرة ده غير انه فى غاية الغباء لان فى الآخر احنا اللى قاعدين فى البلد دى وامريكا مش دايمة ياخوانا الاقباط وكل سنة وانتوا طيبين


صاحبى اللمض بتاع المرة اللى فاتت سألنى هو السفير المصرى لما بيمشى فى أمريكا بيقفلوا الشوارع كدة ويوقفوا المرور؟ الصراحة لا تعليق


السبت، يناير 06، 2007

أنا إرهابى

للاخوان وحماس وطالبان وأخيرا وليس آخرا المحاكم الاسلامية


الغربُ يبكي خيفـةً
إذا صَنعتُ لُعبـةً مِـن عُلبـةِ الثُقابِ
وَهْـوَ الّذي يصنـعُ لي مِـن جَسَـدي مِشنَقَـةً حِبالُها أعصابـي
والغَـربُ يرتاعُ إذا أ ذعتُ يومـاً أَنّـهُ مَـزّقَ لي جلبابـي
وهـوَ الّذي يهيبُ بي أنْ أستَحي مِنْ أدبـي
وأنْ أُذيـعَ فرحـتي ومُنتهى إعجابـي
إنْ مارسَ اغتصـابي
والغربُ يلتـاعُ إذا عَبـدتُ ربّـاً واحِـداً في هـدأ ةِ المِحـرابِ
وَهْـوَ الذي يعجِـنُ لي مِـنْ شَعَـراتِ ذيلِـهِ ومِـنْ تُرابِ نَعلِـهِ ألفـاً مِـنَ الأربابِ
ينصُبُهـمْ فـوقَ ذُرا مَزابِـلِ الألقابِ
لِكي أكـونَ عَبـدَهُـمْ وَكَـيْ أؤدّي عِنـدَهُـمْ شعائرَ الذُبابِ
وَهْـوَ .. وَهُـمْ سيَضرِبونني إذا أعلنتُ عن إضـرابي
وإنْ ذَكَـرتُ عِنـدَهُـمْ رائِحـةَ الأزهـارِ والأعشـابِ
سيصلبونني علـى لائحـةِ الإرهـابِ
رائعـةٌ كُلُّ فعـالِ الغربِ والأذنابِ
أمّـا أنا، فإنّني مادامَ للحُريّـةِ انتسابي
فكُلُّ ما أفعَلُـهُ نـوعٌ مِـنَ الإرهـابِ
هُـمْ خَرّبـوا لي عالَمـي فليحصـدوا ما زَرَعـوا إنْ أثمَـرَتْ فـوقَ فَمـي وفي كُريّـاتِ دمـي عَـولَمـةُ الخَـرابِ
هـا أ نـا ذ ا أقولُهـا .. أكتُبُهـا .. أرسُمُهـا .. أَطبعُهـا على جبينِ الغـرْبِ بالقُبقـابِ
نَعَـمْ .. أنا إرهابـي
زلزَلـةُ الأرضِ لهـا أسبابُها إنْ تُدرِكوهـا تُدرِكـوا أسبابي
لـنْ أحمِـلَ الأقـلامَ بلْ مخالِبـي
لَنْ أشحَـذَ الأفكـارَ بـلْ أنيابـي
وَلـنْ أعـودَ طيّباً حـتّى أرى شـريعـةَ ا لغابِ
بِكُلِّ أهلِها عائـدةً للغا بِ
نَعَـمْ .. أنا إرهابـي
أنصَـحُ كُلّ مُخْبـرٍ ينبـحُ، بعـدَ اليـومِ، في أعقابـي
أن يرتـدي دَبّـابـةً لأنّني .. سـوفَ أدقُّ رأسَـهُ إنْ دَقَّ ، يومـاً، بابـي

أحمد مطر