الأربعاء، سبتمبر 30، 2009

مواطن مصري أعزب عاطل ذكر - إزدواجية تفلق

ازدواجية تفلق


تلاقي اكتر ناس تتكلم عن حب مصر وريادتها الفنية والثقافية ومش عارف ابصر ايه هما الجماعة الفنانين دول اللي هما تقريبا مش عايشين في البلد او قاعدين فيها اصلا

حاجة كدة زي العيان اللي بيغني لميت

نيلها ايه يا بت الناس قصدك نيلتها وقمامتها وشوارع ايه دي اللي ما ممشتشي فيها

هو انا ورايا غير المشي فيها والتدوير عن شغل او الهروب من واقع البيوت المؤلم والاليم

بس بيني وبينكم الغنوة حلوة لكن ماليهاش اي علاقة بحب او كره البلد فعلا مصر حالة متفردة بين الاوطان يعني حبنا ليها وانتمائنا حقيقي

مش مواطنة ولا المساواة ولا الهجايص دي هي فعلا تتحب كدة بعبلها زي ما تحب امك او ابوك ايا كان شكلهم ومستواهم


28 - 09 - 1974


ده تاريخ ميلادي، انا ولا فخرمن مواليد هذه السنة الغريبة يعني بالصلاة علي النبي اللي من دوري كدة دلوقتي عندهم 35 سنة-لسة صغير صح- لا طبعا مش حضحك علي نفسي

احلي سنين الواحد راحت اونطة لا اتعلم حاجة ولا عمل حاجة في حياته واللي مصبرني علي كدة اني اكتشفت (علي فكرة حتقروا كلمة اكتشفت دي مليون مرة في الكتاب العبيط ده لدرجة بتخليني افكر اعمل كتاب مخصوص عن الحاجات العبقرية اللي انا اكتشفتها) ان مواليد1974معظمهم بلا استثناء عانوا من سوء الحظ او ضياع الفرص ده يمكن ينسحب علي مواليد السبعينات بصفة عامة

يعني لا احنا حصلنا مواليد الستينات وفرصهم في التعليم الاحسن والوظايف الافضل ولا مواليد التمانينات اللى طلعوا روشين وفاهمين الليلة صح من اولها ومضيعوش وقت

يعني مواليد السبعينات طلعوا بس ملحقوش يطلعوا او طلعوا وحد قفل الباب عليهم وهم برة وطلعلهم لا مؤاخذة بت.... لسانه

ليه بقي بقول الكلام ده

معظم اللي حواليا من جيل البسكوت البيمبو وفوازير فطوطة وكارتون سندباد وورق الجلاد الاصفر وقزايز الريحة السكريه ام تلاتة وربع هدية عيد الام الاجبارية واسكوبيدو وترابيزات البنج ولعب الاتاري والعجلة ام فتيس سرعات ولعبة الليدو اللي انقرضت مع مشرق شمس 1990

معظم دول محطمين نفسيا واشباه رجال

انا مقدرش احكم علي البنات من جيلي لاني للاسف معرفش بنات وده يمكن جزء من مكملات شخصية 1974ويمكن يكون ده اوبشن نزل مع الموديل بتاعنا انه يكون اغا، طبعا اللفظ العامي كلنا عارفينه مفيش داعي نقبح ونصرح بيه يمكن انسات او مدامات تتهبش في عقلها وتقرا الهبل ده

حتي اللي اتهئ ليهم انهم نجحوا مننا واتجوزوا يا اما طلقوا والقايمة جابتهم علي الحديدة او زهقانين من عيشتهم وهربانين من البيوت علاطول طايرين ورا البنات اللي مستوي جمالهم ارتفع بشكل مش طبيعي من اول مواليد 1985 وانت طالع، حاجة مالهاش تفسير لا جينيا ولا بيئيا

المفروض ان التلوث زاد في المية والهوا والاكل ده غير ان امهات البنات دول زي ما يكونوا متبنيينهم او خاطفنيهم مش شبهم خالص

هو بصراحة فيه شئ من الشبه تلاقيه بين الام والبنت بس مش اكتر من العلاقة الشكلية بين الغزالة والجاموسة الاتنين طبعا ثدييات وحط تحت ثدييات دي ميت خط

طبعا عيال كتير مننا انتحرت او اختفت في ظروف غامضة حتي اللي سافر وقلنا انه نفد رجع تاني زي الجنيه البراني، قال يعني حتفوته الاملة، فولك وبصلك قاعدين وكوباية الشاي ام نعناع، كله موجود

ورجع تاني يسمع الاعادة بتاعة رأفت الهجان الجزء الاول حلقة الخواجة صروف علي القناة السابعة مع ان المسلسل كله عنده علي الكومبيوتر وبيتعاد علي الفضائيات كل شوية بس هي النفس اللي وحشة وبنحن لايام التمانينات الذهبية

بصراحة انا مش عارف ذهبية علي ايه بس تعالوا نحبها من منطق مختلف صحيح كانت الهدوم شكلها يضحك وموضات الشعر زي تسريحة الديك والمناطيل المنفاخ ورقصة الانسان الالي السخيفة اللي بدع فيها مايكل جاكسون لدرجة الغلاسة

وكانت واحدة زي نادية الجندي دي توقف اتخنها شنب واللي معاه عربية 405 بيجو يبقي باشا يعني من وجهة نظر الشباب السيس بتوع اليومين دول ايام فقر وسودة بس اللي عاش طفولته اياميها مش حيقول كدة ويمكن هم حاسين بالكلام ده قوي

وعلي فكرة احصائيا وده كلام الحكومة وتقارير المنظمات الدولية ان سنة1985 تعتبر ذروة النشاط الاقتصادي لدول الخليج والمنطقة العربية واللي منها مصر طبعا ودي علي فكرة اخر سنة اتعين فيها حد في القوي العاملة اللي كانت مش عاجبة الناس علشان بتحدفهم في غير بلادهم وتخصصاتهم - ييجوا يشوفوا الهنا اللي احنا فيه دلوقتي - برضة ما كناش لسة دخلنا في ازمة توظيف الاموال وتهريب القروض للخارج والارهاب

نظرة واحدة علي جرنان او مجلة ساعتها حتي لو معارضة تعرف الدنيا كانت عنب قد ايه

اوحش حاجة كانت الكوارث العالمية الطبيعية، زلزال وتلاقيه في قلب المحيط وغرق كام سمكة ولو كارثة مش طبيعية حتبقي اختطاف طيارة وطلب فدية300 الف جنيه يعني شقة في المعلمين دلوقتي (منطقة فى أسيوط بس محدوفة شوية والتاكسيات مش بترضى تروحها)

واللي يتزنق ولا يضيق بيه الحال قوي6 شهور في العراق يشتغل اي حاجة ويرجع صحته رادة ومعاه مية متين دولار، فين العراق دلوقتي والله العظيم احنا انضرينا اكتر منهم ياخي قول هم بقوا لاجيئين ولقيوا دول تؤيهم

________________________________________________

وإلى اللقاء فى الحلقة القادمة

الأحد، سبتمبر 27، 2009

القميئة

القميئة إيناس الدغيدى أطلت علينا فى رمضان ببرنامج قمئ مثلها تحاور ضيوفها وتصر أن تفرض عليهم وجهة نظرها وأن تقنعنا أن لها فى الحياة مبدأ واعتقاد ووجهة نظر

وما زادتنى سوى قناعة بأنها لا تريد سوى مزيدا من الشهرة بعد أن خبا اسمها وأصبحت أفلامها ذكرى سوداء فى تاريخ السينما

إيناس الدغيدى فى الستين من عمرها وما زالت مدمنة شهرة ولذلك فهى تهاجم كل ما يثير الجدل عند الناس ليس عن مبدأ وإنما للشهرة، حتى أفلامها حاولت بكل ما أوتيت من جهد أن تجذب الشباب إلى أفلامها بمشاهد خليعة لا تخدم النص وليس فيها رائحة الفن، كما سرقت برنامج هالة سرحان التى كانت تدعى أنها صديقتها

قد نتقبل من إيناس الدغيدى مهاجمة الحجاب فهذا شأنها ولكن ليس من حقها أن تحاصر ضيوفها بهذا الشكل ليتفقوا مع ما تقوله، فقد استغرقت فى حلقة من حلقاتها حوالى عشرة دقائق تحاصر هند صبرى وتلومها لأنها لم تمثل فيلم نسائى به مشاهد إغراء ولست أفهم من أقنعها أن مشاهد الإغراء هى من قبيل الفن.

وإذا كانت حقا صاحبة مبدأ فى الحياة فلماذا لا نراها تهاجم فساد الحكومة أو دكتاتورية طاغية مصر وزبانيته؟

المصيبة أن قناة النيل المملوكة للحكومة والممولة من ضرائب الشعب المصرى هى التى اذاعت هذا البرنامج، ولا عجب فى هذا فالحكومة المصرية هاتعمل أى حاجة عشان تنكد على المصريين وتقرفهم فى عيشتهم

ارحمونا من إيناس الدغيدى لا رحمكم الله

مواطن مصري أعزب عاطل ذكر - يحدث فى مصر الآن

يحدث في مصر الان



سامحوني علي الدخلة الشمال اللي في المقدمة وعلي شوية اللغة العربية دول كانوا لازم يكونوا بالفصحي علشان يبان التحذير صارم ولاينخدع أحد ويدفع فيه فلوس

شندوشت طعمية او حتة بسطة اولي بالفلوس

بس المشكلة مش في كدة المشكلة ان الكتاب ده موجه لاربعين في المية من سكان مصر اللي هم احصائيا نسبة البطالة في البلد ولو حطينا عليهم البطالة المقنعة في الشركات والمصالح والناس اللي بتمثل انها عايشة او شغالة يبقي النسبة هاترتفع لسبعين في المية ولو حطينا عليهم الاميين والمهمشين واحسب عندك نسبة خطا-اكيد حصلت في تعداد السكان- نبقي90 مش 80 مليون ويبقي كدة تقريبا كلامي موجه لستين مليون- الرقم ده مع الرأفة- بس الفكرة ان كل دول اخر حاجة في اهتمامهم القراية ده لو كانوا بيعرفوا يفكوا الخط اصلا وده مش سخرية من الجهلة والاميين في بلدنا عمر ده ما كان عيب العيب علي اللي اتعلمو وعاملين ان معاهم شهايد وهم أميين وعالة علي البلد من حملة الدبلونات واسانسات الحكوك وباكابورتات التجارة اللي بيشكلوا ولا فخر نسبة من طاقة البطالة المتفجرة في وادي النيل

ولا نقول احسن نسبة من لا طاقة العمل

مش عارف هي ليها كذا تصنيف كلهم اوحش من بعض وقبل حد ما يهاجمني انا واحد من حملة تلك الشهادات العدمانة، انا معترف بالذنب ده ومش بعلق شماعة الغلط علي اي حد في اسرتي او حتي الحكومة بس مش معني كدة اني اتحول بسبب تلك الغلطة التي حدثت من 18 سنة تقريبا وهو تاريخ حصولي علي مجموعي السكرة 68%، اتحول الي متسول يبحث عن وظيفة اوعاطل

وبكدة يبقي وصلنا لاول خانة في بطاقة الرقم القومي بتاعتي اللي بعتبرها فعلا ملخص لحياة اي مواطن مصري عادي مش بس مجرد اثبات للبيانات وتحقيق الشخصية فالامر سيان، دلوقتي انك تكتب لا يعمل وانك تكتب حاصل علي مؤهل عالي خصوصا لو كنت من خريج كليات المجاري او مجموعة التخلف العقلي (حقوق/تجارة/اداب) ويمكن تنضم لينا دلوقتي كليات كانت في القمة لوقت قريب بس الزمان مال عليها زي علوم مثلا او حتي اكاديمية الملاحة في اسكندرية بعد ما سوق القباطنة رطرط

طبعا بعد حصولك علي المؤهل الخرافي ده ويا سلام لو كان تقديرك مقبول و معاه مادتين كادوه من الدكاترة فرصة حصولك علي شغل تعادل فرصة حصول مصر علي كاس العالم 2050

والنتيجة النهائية يا سادة هي انضمامك لاكبر تجمع من البدل والكرافتات في الشرق الاوسط انا مش عارف ليه الواحد مننا يا جماعة يا عواطلية مفكرشي يخترع يونيفورم زي الزعبوط او البرباتوظ بتاع البيبيهات للمحامين يتلبس كدة بسوستة من ورا تخلي الحاجب بتاع المحكمة يقيفهولك تكون الكرافتة بتاعته منه فيه لايقة علي حسب لون البدلة اللي بقت زي البردعة وفقدت هيبتها من ساعة ما بقي المحامين نسبة من سكان اي قرية ونجع في مصر

انا متهيالي لو وقفنا جمب بعض-انا محامي استئناف بالمناسبة ولا افقه شئ في القانون-وشبكنا ايدينا حنطوق الكرة الارضية ويمكن كذا مرة

احنا كدة بالصلاة علي النبي حاجة بتاعة 300 الف ويمكن نوصل نص مليون يعني مش عاوزين مقارنات ولا احصائيات كتير

احنا نساوي

  1. سكان الكويت تقريبا
  2. عدد سكان قطر بالمستريح
  3. ويمكن عشراضعاف مساجين مصر

ورغم كدة افقر واهيف نقابة احنا ونقابة التجاريين اخواتنا في البكبورتية

نيجي للنقطة التانية او التالتة انا علي فكرة لا مرتب الكلام ده ولا مبيضه ولا حتي راجعته اللي في دماغي بقوله- النقطة التالية هي انا مصري

مكدبشي عليكم انا فعلا بحب البلد دي وما زلت رغم ان مفيش اسباب حقيقية لكدة او علشان شربت من نيلها ومشيت في مجاريها

نفسي اعرف شيرين اللي غنت الغنوة الجميلة دي راحت ليه تولد في امريكا؟ علشان الولد او البنت ياخد الجنسية الامريكانية ويمشي في مانهاتن ويكره بن لادن؟

________________________________________________

وإلى اللقاء فى الحلقة القادمة

السبت، سبتمبر 19، 2009

مواطن مصري أعزب عاطل ذكر - المقدمة

المقدمة

ليس هدفي من هذا الكتيب- ان جاز لي هذا الوصف علي ما ستقرأونه من هراء- هو تقديم النصح لأحد أو الرثاء لحال جيل بأكمله اعتبر نفسي واحدا من ضحاياه

علي العكس تماما إنه نوع من تفريغ شحنة الغضب والتنفيس عما نشاهده من أحوال مقلوبة لا نرغب في الاتجاه معها لنراها معدولة ولا ترغب هي في الاعتدال معنا فتتحسن اوضاعنا

ونصيحتي الوحيدة لأي قارئ لهذا العبث أن لا يدفع فيه مليم- إن أمكن- وإن استطاع قرائته علي الوقافي عند بتاع الجرايد فليفعل حتي لا يساهم في زيادة أرباح أو مبيعات الناشر- اللي هو برضه أنا-وبالتالي يمنع كارثة ظهور طبعة ثانية من (مواطن مصري اعزب لا يعمل ذكر(

التتابع هنا مقصود حيث ان وظيفة الذكورة معطلة حتي الان بحكم أني مصري وأعزب ولا أعمل

المواطن رقم 5534343

محمد ممتاز سابقا

عيد سعيد مش مبارك



الأحد، سبتمبر 06، 2009

بيان للمكتب التنفيذى لحزب العمل عن قضية حزب الله

نقلا عن موقع حزب العمل

بيان من
المكتب التنفيذى لحزب العمل: إمداد حزب الله للمقاومة بالسلاح عمل مشرف يستحق التكريم لا المحاكمة
التاريخ: 04/09/2009
الكاتب:

أكدت أوراق القضية التي يحاكم على أساسها عناصر من حزب الله في مصر، أننا أمام عمل مشرف لحزب الله اللبناني، وفضيحة مدوية لحكام مصر. فقد أوضحت نصوص التحقيقات التي نشرت في صحيفة "المصري اليوم" ما توقعناه منذ بداية الأزمة، فعناصر حزب الله لم تقم فعليًا إلا بجهود لدعم المقاومة الفلسطينية في غزة وفى فلسطين المحتلة، وأنها لم تستهدف أية أهداف مصرية أو إسرائيلية داخل مصر. وأن فكرة الانتقام من الإسرائيليين على أرض مصر بعد اغتيال مغنية في دمشق كانت مجرد فكرة واستبعدت تمامً من القيادة العليا لحزب الله، وأن كل الأعمال المادية التي تم التحقق منها كانت كالتالي:

شراء مراكب صيد لتهريب أسلحة لغزة - تهريب أسلحة لغزة- تدريب استشهاديين وإرسالهم للقيام بعملية في بئر سبع (فلسطين المحتلة عام1948)- محاولة شراء أسلحة لإرسالها لغزة- متفجرات وأحزمة ناسفة لإرسالها إلى غزة- محاولة الاتصال بالسياح الإسرائيليين من عرب1948 لتجنيدهم للعمل ضد الكيان الصهيوني.

وقد نفى المتهمون أي فكرة عن ضرب أهداف داخل مصر أو في قناة السويس أو أهداف إسرائيلية داخل مصر. وأن رصد المواقع الأمنية المصرية في الطريق إلى سيناء، من أجل تجنبها في عملية تهريب الأسلحة لغزة وليس لضرب هذه المواقع!!

وتبين التحقيقات أن هذه المجموعة تعمل منذ عام2002 وهو ما يعنى أنها ساهمت بالفعل في الصمود الأسطوري لغزة في حرب2008، وأنها لم تستهدف أي شيء آخر.

وبكل معايير الوطنية والعروبة وبكل معايير الشرع الإسلامي، فإن مد المقاومة في غزة وفلسطين، وأي مناطق أخرى محتلة في العراق وأفغانستان وغيرها، بالسلاح فإنه أمر شرعي، بل هو أيضا أمر شرعي وفقا لمعايير القانون الدولي الذي يجيز المقاومة المسلحة للاحتلال الأجنبي.

أما القول بأن حزب الله كان يتعين عليه التنسيق مع السلطات المصرية، فينطبق عليه القول: "شر البلية ما يضحك!"، فهل تؤيد السلطات المصرية دعم المقاومة في غزة، وهى تمنع عنها الغذاء والغاز والأسمنت والحديد، بل ولا تفتح معبر رفح للأفراد والدواء إلا بالتنسيق مع إسرائيل وبموافقتها، وهو الأمر الذي أكده بالنص حسنى مبارك حاكم مصر في حديثه الأخير للتلفزيون الأمريكي.

أما المواد الغذائية وغير الطبية فتدخل عن طريق معبر كرم أبو سالم أو معبر العوجة أي عن طريق إسرائيل مباشرة!

وهذه المحاكمة لحزب الله في مصر تؤكد أن السلطات المصرية تجرم الدعم المسلح للمقاومة في غزة، فكيف كان بإمكان حزب الله أن ينسق مع السلطات المصرية لإرسال هذا الدعم؟!

بل لو كان عند حكام البلاد فطنه لقاموا بتسوية الأمر سرًا، ولكننا أصبحنا في زمن تنبأ به رسول الله صلى الله عليه وسلم بأن يصبح المعروف منكرًا، والمنكر معروفًا، بل يتم الأمر بالمنكر والنهى عن المعروف بلا حياء. ولا يجد الحكام من يضرب على أيديهم إلا قلة محدودة من المؤمنين الصادقين والوطنيين الأحرار.

إن حكامنا يتحدون الله ورسوله، عندما يبيعون الغاز لإسرائيل ويعقدون صفقة جديدة في هذا المجال ويمنعونه عن غزة، وعندما يشاركون في حصار غزة، ويمارسون أوسع تطبيع مع الصهاينة، واليوم عندما يحاكمون من مد يد المساعدة لمجاهدي غزة.

كما أن اختيار دائرة برئاسة عبد السلام جمعة الذي حكم ضد مجدي حسين لصالح يوسف والى، وضد أيمن نور، وضد الإخوان، أمر يشير إلى أن الحكم سيكون موجهًا سياسيًا، وأن الاتجاه هو لأحكام قاسية.

إن تحويل ما يسمى بخلية حزب الله للمحاكمة هو إدانة لحكام مصر بموالاة الأعداء ضد أهلنا في فلسطين وتشريف لحزب الله بوقوفه سندا للمقاومة. ومن هنا فإننا نطالب بتسوية القضية بشكل سياسي، والإفراج عن المعتقلين في صمت وهدوء، حفاظا على سمعة مصر التي تمرغها مثل هذه المحاكمة في التراب.
المكتب التنفيذى لحزب العمل

الجمعة، سبتمبر 04، 2009

تحويل قصر ألكسان الأثرى إلى متحف قومى

مصر.. تحويل قصر ألكسان الآثرى بمدينة أسيوط إلى متحف قومى






تمت الموافقة على تحويل قصر ألكسان الآثرى بمدينة أسيوط إلى متحف قومى وفرع لمكتبة مبارك العامة, وفقاً لما أفاد به نبيل العزبى محافظ أسيوط.

تنشيط السياحة

وذلك من شأنه أن يساعد على تنشيط السياحة الخارجية والداخلية, حيث يقع القصر على النيل مباشرة مما يسهل على نزلاء الفنادق العائمة زيارته، بالإضافة إلى إمكانية تنظيم رحلات لطلاب المدارس والجامعات للاستمتاع بهذا القصر الأثرى الفريد.

وأكد العزبي أن إقامة فرع لمكتبة مبارك العامة بالدور الأرضى من القصر يعد نقطة إشعاع ثقافى وحضارى ليست فى أسيوط وحدها ولكن فى منطقة الصعيد بشكل عام.

وفي لقائه بوفد رجال الأعمال والمستثمرين أكد اللواء نبيل العزبي محافظ أسيوط أنه يسعي لترويج الاستثمار وإقناع الشركات الكبري بجدوي الاستثمار في أسيوط لاستقطاب مشروعات كبري تساهم في حل مشكلة البطالة ورفع المستوي الاقتصادي للمواطن الأسيوطي مشيراً الي الأهمية الكبيرة لطريق أسيوط البحر الأحمر والذي يساهم بفعالية في تشجيع الاستثمار والسياحة علي أرض المحافظة.

أهيمة تاريخية






وكان قد أنشئ قصر ألكسان باشا عام 1910 على مساحة 7000 متر مربع ويتميز بموقعه على النيل ويعد قيمة حضارية وجمالية وسياحية وأثرية جديدة.

ويتكون القصر من طابقين, أُعد وفقا لنظام الحوائط الحاملة, وهو من الطراز المعماري المميز بكل المقاييس وواجهات القصر تحتوي علي زخارف وكرانيش مميزة وعقود نصف دائرة وتشكيل مثلث الشكل بالزخارف علي الطراز الاغريقي.

وقد شارك في بناء القصر فنانون إيطاليون وفرنسيون وانجليز مما أكسبه تنوعا فنيا وحضاريا وجماليا جعل القصر يتفرد به بين معالم أسيوط الأثرية.

وقد أشار المحافظ إلي الأهمية التاريخية التي ترجع لها القيسارية حيث تعد المنطقة التاريخية القديمة لمدينة أسيوط وهي ضاربة بجذورها في عمق التاريخ وتمثل المركز التجاري الرئيسي حيث تتواجد الوكالات والمعالم التجارية القديمة والتراث الحضاري مثل مسجد جلال الدين السيوطي وبعض الأماكن الأخري التي يقبل عليها الزائرون الأجانب وغيرهم بغرض التسوق أو السياحة.


نقلا عن موقع محيط

الأربعاء، سبتمبر 02، 2009

الحزب الوطني بأسيوط ينظم احتفالية دينية بمناسبة ذكرى العاشر من رمضان



2/9/2009

نظمت أمانة الحزب الوطنى بأسيوط إحتفالية دينية بمناسبة ذكرى العاشر من رمضان حضر الإحتفالية المهندس احمد عبدالعزيز احمد عضو الأمانة العامة أمين عام محافظة أسيوط والأستاذ محمد فهمى صالح رئيس المجلس الشعبى المحلى والأستاذ محمود عبدالعواض محمود الأمين المساعد أمين التنظيم وهيئة مكتب المحافظة وأمناء وأمناء التنظيم للمراكز والأقسام ولفيف من المواطنين بدأ الإحتفال بالقرآن الكريم ثم كلمة الشيخ رمضان هيكل المستشار الدينى للمحافظة تناولت هذه المناسبة وما لها من دلالة فى نفوس المصريين والعرب لأنها أعادت الكرامة والعزة وتحدث ممثل وزارة الأوقاف عن التأثير النفسى والدينى لهذا النصر وإرتباطه بهذه الأيام المباركة وأشار المهندس احمد عبدالعزيز احمد أمين المحافظة بأن إحتفال الحزب بهذه المناسبة تأتى من منطلق إهتمام الحزب بالمناسبات الوطنية وتأثيرها على مصر إقتصادياً وسياسياً وإجتماعياً وكذلك تقدير الحزب لهذا النصر العظيم واسترداد العزة والكرامة والأرض لمصر

(نقلاً عن أمانة الحزب بالمحافظة)

الثلاثاء، سبتمبر 01، 2009

ضبط عبوات من الجبن منتهية الصلاحية بأسيوط

1/9/2009

ضبطت حملة مشتركة من الرقابة التموينية وأجهزة المتابعة الميدانية بـمحافظة أسيوط 100 كجم جبن منتهية الصلاحية و150 عبوة من المعلبات غير الصالحة للاستهلاك الآدمي وكميات من الخبز الفاسد والتي تم إعدامها بمعرفة اللجنة المختصة

صرح بذلك المهندس مدحت محمد حسن مدير المتابعة الميدانية وأضاف بأن الحملة داهمت عدد من محلات البقالة بحي شرق أسيوط وكشفت عن عشوائية في التوصيلات الكهربائية ببعض المحال وضبط 6 ثلاجات عير مثبتة بالرسم الهندسي..وتم تحرير محاضر للمخالفين الذين أحيلوا للتحقيق

يذكر أن اللواء نبيل العزبي يولى الرقابة على الأسواق أهمية قصوى حيث يقوم بالمرور المفاجئ على الأسواق للتأكد من صلاحية السلع المعروضة للاستهلاك وتوافرها في المدن والمراكز والتأكد من عدم مغالاة التجار في الأسعار