السبت، مارس ١٧، ٢٠٠٧

الغباء الأمنى يفسد حفلة منير فى جامعة أسيوط



كاد غباء رجال الأمن أن يتسبب فى كارثة أثناء حفلة منير فى استاد جامعة أسيوط مساء يوم الثلاثاء الماضى احتفالا بمئوية النادى الأهلى فقد أصر الأمن وادارة الجامعة على أن يكون المسرح فى وسط الاستاد فى حين تكون الجماهير فى المدرجات أما كبار الزوار وحبايبهم امام المسرح وذلك خوفا على محمد منير من الطلبة المتوحشين ولاد الكلب ولكن محمد منير رفض ذلك رفضا باتا وكاد يعتذر عن إتمام الاحتفال لولا أن وعده رئيس الجامعة أن يسمح للطلبة بالنزول إلى أرض الاستاد بالتدريج

وبالفعل بدأ الأمن فى فتح بوابات المدرجات التى كانت مغلقة على من فيها تدريجيا ولكن ذلك زاد من هياج وغضب الطلبة لنزول البعض إلى أرض الاستاد وبقاء معظمهم فى المدرج بعيدا جدا عن المسرح هذا إلى جانب وجود حبايب وقرايب رجال الأمن وأعضاء هيئة التدريس داخل الاستاد من الأصل مما زاد من سخط الطلبة الذين ظنوا أن الحفلة مجانية لأنها من أجلهم وليس من أجل حبايب وقرايب رجال الأمن وأعضاء هيئة التدريس فى الجامعة

مما أدى إلى محاولة بعض الطلبة القفز من المدرجات ومن فوق سور الاستاد إلى داخل الاستاد فاشتبكوا برجال الأمن وللأسف لم تكن معى كاميرا وإلا كنتوا شفتوا مناظر ولا الانتفاضة الفلسطينية، معاملة الطلبة بمنتهى قلة الأدب سواء من قبل الأمن أو السادة أعضاء هيئة التدريس المحترمين

يا دكتور عزت عبدالله يا رئيس جامعة أسيوط ياللى بتدعى أن الطلبة أولادك يرضيك ولادك يحصل فيهم كدة؟

هناك ٦ تعليقات:

محمود سعيد يقول...

طبعاً الغباء الأمنى ده لا شك فيه

بس يا ترى إيه السبب فى الحفلة ديه اليومين دول
وإيه اللى يخلى كوكاكولا تصرف عليها
وهى من أمتى لها دعوة بالنادى الأهلى
ده حتى المركز الرئيسى ملهوش دعوة بالموضوع ده

ومئوية الأهلى خلصت من زمان

انا شامم ريحة تنويم وإلهاء طلبة

Ehab يقول...

شكرا على تعليقك يا استاذ محمود بس الموضوع مش إلهاء ولا حاجة ومئوية النادى الاهلى شغالة بدأت بندوة الدكتور أحمد زويل وبتلف دلوقتى على المحافظات كلها كانت فى أسوان وأسيوط ورايحة المنيا، أما موضوع الصرف فده رعاية للاحتفال زى فودافون وبنك مصر وماكدونالدز، كل دول رعاة لاحتفالية النادى الاهلى بالمئوية اللى هاتستمر فى أغلب المحافظات وتنتهى بمباراة مع برشلونة فى شهر ابريل تقريبا
موضوع الغباء الأمنى والتعامل مع المواطن المصرى على انه مجرم حتى يثبت العكس وامتهان كرامته مش جديد فعلا زى ماحضرتك قلت
شكرا ليك مرة تانية

zizo8zizo يقول...

لنا الله
بس شكرا

غير معرف يقول...

يا باشا معلش أناقرأت الموضوع متأخر
بس أنت معرفتش إلى حصل بعد الحفل
بما إن الجامعة سمحت لبنات المدينة المغتربات إنهم يروحوا الحفل وكمان يودوهم بأوتيبسات لحد البوابة
فكان فى حوالى 500إلى 1000 بنت طالعة من الحفلة وسط عيال غرب البلد والشوارعيه إساعه 11 باليل
ومش هاقولك إيه إلى حصل عند الجامعية والمول الجديد من معاكسات وتحرش وشد الترح وما شبه لدرجة غن البنات كانت بتطير وتستخبة فى العمارات إلى على شارع الجامعة وأسأل بعض سكان الشارع أو الناس إلى كانوا موجودين وحاشوا
على بعض البنات التى إلتجأت بالمساكن


أسيوطى جدع

غير معرف يقول...

يا ريت الأستاذ كاسبر يطرح موضوع زيارة الريس لأسيوط

ALLORD يقول...

بص يا باشا انا كنت موجود في الحفله وشفت كل اللي انت قلته ودي كانت حاجه قله ادب من رئيس الجامعه وكمان الدكتور طارق عبد العزيز عميد كليه التربيه الرياضيه لان هو المسئول الاول عن تنظيم الحفله وبعدين اللي حصل للبنات بعد الحفله كان حاجه مسخره وانت لو سالت اي دكتور من الموجودين محمد منير بيغني ايه والله ما هيعرف لكن هي سلطه وخلاص ولازم يستغلوها ودي مش جديده عليهم