الجمعة، مارس ٢٣، ٢٠٠٧

جموع الرعية تحيى الرئيس بأوسط صباع





أخرج من بيتى فى مدينة أسيوط الهادئة لأجد حشود عسكرية هائلة فى كل مكان وكأن الحرب قد قامت


ثم زينات ورايات ولافتات فى كل مكان ولا مولد سيدى اللملومى


لافتات من كل نوع وكلام غريب


مرحبا بالسيد الرئيس


السيد اللواء المحافظ يرحب بالسيد الرئيس


مرحبا بالزعيم والقائد


نعم للتعديلات الدستورية


نعم للحرية


نعم للامركزية


نعم لاستمرار مسيرة التنمية والاستقرار


نعم للتنسيق بين الحكومة والشعب


محلات كازابلانكا سويت ترحب بالسيد الرئيس ونعم للتعديلات الدستورية وللمهلبية


مش عارف مين العمدة يرحب بالسيد الرئيس ويعاهده على استمرار مسيرة العطاء


نعم نعم نعم ويحرق ابو اللى يقول لا


وأخيرا محلات الفراشة وخطاطى أسيوط يرحبون بالسيد الرئيس ويتقدمون له بالشكر على الخير الوفير الذى جلبته زيارته الميمونة من لافتات وزينات ورايات وخلافه واهو كله أكل عيش


ثم الطبيعة تعلن عن فرحتها وسعادتها البالغة لزيارة السيد الرئيس لمحافظة أسيوط بسماء ملبدة بالغيوم وعواصف ترابية رائعة


حقا إنه طقس جميل جدا


سيدى الرئيس جموع الرعية تحييك بأوسط صباع

هناك ٧ تعليقات:

zizo8zizo يقول...

أزيك كاسبر
انا فهمت كلامك عن الدستور
هنا
http://constitution.sis.gov.eg/
واتشليت
مالقتش جديد

Ehab يقول...

يا باشا ولا هاتلاقى

zizo8zizo يقول...

كاسبر
اهلا
ازيك
:)
يؤسفني اني مش داخل هنا تاني
ولا هتكلم الا عن الفن والكورة

وده لاني في الاول كنت شاكك في موضوع المراقبة على النت والتليفون
دلوقتي بعد التعديلات
البيوت هتتفتش من غير اذن النيابة
يعني هيدخلوا يسحبونا من قفانا الساعة3 الفجر
والبطالة هتختفي
لان نص مصر هتتجسس على النص التاني
زي بابا بوش
ماحنا اخدنا كل حاجة من امريكا
مش فاضل غير دي
ونصيحة لو ليك ام واب
اعتزل الكتابه او سافر عشان تتكلم براحتك
ايهاب باشا
وده مش جبن مني
لكن اهلي مالهمش في البهدله اللي في الاخر مش هتجيب همها
ولا تغير شئ
سلام

فارس عبدالفتاح يقول...

بصراحة الصوره دي ابلاغ صوره شفتها فى حياتي

والموضوع ده عن محافظة اسيوط انا مستغربلوا

معي اني اري انوا المفروض الصعيد وبالاخص محافظة اسيوط المفروض تكون من اول المعارضين وفى صدارت

المناوئين للحكومة وحسني مبارك

طب امال فين الناس بتوع اسيوط

Ehab يقول...

ولا انا هاجى هنا تانى بس الواحد يعمل ايه فى لسانه ربنا يستر
استاذ فارس اشمعنى الصعيد وأسيوط يعنى اللى هايعارضوا وبعدين اساسا الناس اللى عاملة اليفط دى معارضة بس الموضوع بالنسبالهم اكل عيش مش اكتر وباقى الناس كله بيجرى على اكل عيشه ويقول وانا مالى اصل اللى حصل فى الجماعات مايتنسيش

مقاومة يقول...

أنا أول مرة ادخل على المدونة دي بس واضح ان الناس هنا ناس بتفكر بطريقة مختلفة عن فكرتي انا عن شباب الصعيد
ربنا يوفقكم و عايزين مداومة اكتر على التدوين

غير معرف يقول...

مش عارفة ليه النفاق والكدب دة يا خسارة يا اسيوط ...محدش يقولهم "محدش طايقكم ولا طايق خلقتك"؟؟؟؟
سوسة