الأحد، يناير 27، 2008

رياح التغيير مع غزة

هناك 15 تعليقًا:

sendbad يقول...

عزيزي كاسبر
ما زالت تبهرني مازلت كالاعصار
تحياتي الخالصة لك

Casper يقول...

ومازلت تبالغ يا باشا
:) عالعموم شكرا سيادتك

hatshipsut يقول...

حقيقة لا أري أي إبهار بل أري سوء اختيار
عزيزي كاسبر لا توجد مقارنة بين هدم سور برلين وبين مافعله الفلسطينيين من تفجير السور الحدودي بين غزة ورفح رغم أسفي وتعاطفي مع القضية الفلسطينية إلا أنني لا أقبل المساس بوطني تحت أي مسمي كان
وكان الاجدر بك أن تضع أغنية للصبر حدود
ملحوظة لسندباد الاعصار لا يبهر وانما يدمر
:)
مع تحياتي

Casper يقول...

العزيزة حتشبسوت بالطبع هناك تشابه بين سور برلين والسور الحدودى بين مصر وغزة فالاثنين ظالمين ولا استطيع بعد أكثر من سنة على تآمر النظام المصرى مع أعداء الشعب الفلسطينى وأعدائنا وحصاره وتجويعه سوى التعاطف مع هذا الشعب وتحيته على صموده وأنا لا أرى مساسا بالوطن ولا حاجة ماهو الاسرائيليين بيخشوا سينا زى ماهما عايزين اشمعنى الشعب الفلسطينى يعنى؟
وبعدين ماهى جات بفايدة على الريس اللى عمل فيها زعيم وان هو اللى فتح الحدود بعد ماكان السور اتفجر اساسا
كما أننى بدأت اسمع نغمة أمننا القومى الجديدة على أذنى كثيرا هذه الأيام تتردد فى الاعلام الموالى للحكومة ليدغدغ مشاعر الشعب المصرى والحقيقة لا أدرى أين كان أمننا القومى والقوات الاسرائيلية يقتنصون جنودنا كل يوم على الحدود؟ وأين كان امننا القومى والموساد يرتع فى السودان ومنطقة القرن الافريقى؟ وأين كان أمننا القومى عندما كانت المدمرات والحاملات الأمريكية تعبر قناة السويس لتدمر العراق؟ وأين كان أمننا القومى وأموالنا تسرق وتملأ بنوك سويسرا؟ وأين كان أمننا القومى عندما أدخل يوسف والى السرطان مصر ودمر الزراعة ومازال حى يرزق بدون حساب أو عقاب؟ والقائمة طويلة يا عزيزتى فاغنية للصبر حدود يجب أن نغنيها للنظام المصرى الذى فعل كل الشرور والموبقات والآن يكذب علينا باسم الأمن القومى المصرى اللى اتمسح بيه الارض من زمان
وتحياتى لكى يا عزيزتى
:)

hatshipsut يقول...

صديقي العزيز كاسبر انا لا اوافق علي اي امر فيه مساس بالوطن وليس اعتراضي موجه للفلسطينيين فقط فبالطبع لا اوافق علي اي تواجد اجنبي في مصر لكن جاء ذكري للفلسطينيين بسبب تعليقك ليس اكثر
ثانيا اظن ان الوقت قد حان لكي نترك القضية الفلسطينية وقضايا العرب عامة جانبا وننتبه لقضاياناالداخلية فكفانا عروبة لم نجني منها سوي الهم والتهم بالخيانة ولن يرضي عناالعرب مهما فعلنا فلننظر للفقراء لدينا والجوعي قبل ان ننظر للفلسطينيين ولا ايه رايك؟؟؟

Hook يقول...

أنا أختلف معاكي في الراأي يا حتشبسوت
اللي جايبنا ورا هوه الفساد و الرشوة و السلبية و عدم الولاء للوطن...مش القضايا الخاريجة و العربية...العروبة اصلا عمرها ما كانت مفعلة...من ساعة ما اتولدت و هيا خارج الخدمة فما نقدرش نحكم عليها و نقول صح او غلط
و بعدين في العشرين سنة الأخيرة الناس في كل العالم بتشمشم على حاجة مشتركة بينها و بين جيرانها عشان يتحدو مع بعض...نقوم احنا نتفرق...أكتر ماحنا متنيلين...ده حتى كرتون الرجل الحديد بتاع زمان كان بيقول "الاتحاد قوة" :-)
و أكلت يوم أكل الثور البنفسجي :-))
أما بالنسبة للاتهامات بالخيانة و الذي منه...فالشتيمة ما بتلزقش...خصوصا انه تبين دلوقتي بعد نظر مصر من زمان...محدش يقدر يفتح بقه و يقول خيانة دلوقت...بل بالعكس يضرب نفسه 100 صرمة...
و بعدين اللي علبه واجب أو التزام مش بيتسنى رضا أو عرفان بجميل...لأن موضوع أخوة اللغة و الدين و الوطن دي حاجات فوق مستوى المصالح...
انا عن نفسي مارضاش يكون فيه جنبي بشر هندوسي أو بوذيين او ملحدين و بيعانو معاناة الفلسطينيين...مارضاش يكون فيه حيوانات بتعاني...فما بالك لو عرب و مسلمين؟
حاجة تانية....مصر مش شخص واحد عشان نقول لازم يركز في حاجة واحدة عشان يعرف يحلها...يإما قضايا داخليا يإما خارجية...مصر 75 مليون نسمة...لو 10 مليون اشتغلو بذمة و ضمير على الداخلية و زيهم على الخارجية...هنسود المنطقة في خلال 20 سنة....بس هما فين العشرين دول؟

hatshipsut يقول...

كلامك جميل واتفق معك يا هوك الا في نقاط
اولا موضوع القضايا العربية صحيح ليس هو السبب في تراجعنا لكن هو من ضمن الاسباب ولازم نفك من العرب دول لو فضلنا معاهم هانستمر في الرجوع وصدقني لو عملنا وحدة مع الصين ولا حتي بنجلاديش احسن بكتير انا فقدت كل امل في العرب وربنا يخلصنا منهم ونعزل من جنبهم
تحياتي لك

Casper يقول...

يا حتشبسوت حتى لو بصينا للموضوع من وجهة النظر المصرية البحتة من مصلحتنا ان المشكلة الفلسطينية تتحل لأن امننا القومى يبدأ من الشام فى الشرق ومن السودان فى الجنوب والوضع على الناحيتين لا يسر عدو ولا حبيب امننا بيخترق بشكل مباشر وغير مباشر وطبعا النظام الحالى مايهموش غير وجوده اما مصر ومصلحتها فالموضوع ده فى اخر الاجندة ده ان ماكانش براها اساسا
لو بصينا فى التاريخ هانعرف ونتعلم ازاى كانوا المطقتين دول مهمين جدا لمصر وازاى اى حاكم قوى حكم مصر من ايام الفراعنة لغاية محمد على كان بيهتم بالمنطقتين دول لأنهم بوابات مصر اما بقى لو بصينا للموضوع من وجهة النظر العربية والاسلامية فالموضوع مش محتاج لشرح من اساسه
تحياتى

Hook يقول...

انا برضه فقدت الأمل في العرب بما فيهم احنا...و احسنلنا طبعا نعمل وحدة مع الصين و بنجلادش...احنا نطول؟!
بس للأسف لا بيتكلمو لغتنا و لا ليهم ثقافتنا و لا مصالحهم مصالحنا...
بس انا لازلت مش شايف اي ع لاقة بين الاهتمام بالقضايا العربية و التأخر اللي احنا فيه...الاقتصاد زفت عشان السياسات الاقتصادية السيئة مش عشان الكام طن قمح و ادوية للي بنديهم تبرعات...و الأمن زفت عشان الشرطة مهتمة بالقمع مش بحفظ الأمن...و التلوث عالي لأن مافيش قوانين حماية البيئة و لو فيه مش هتتطبق عشان فساد النفوس و الذمم...ايه المشكلة بقى لما اتعاطف مع اخ فلسطيني و عراقي بيتكلم نفس لغتي او يدين بنفس ديني او حتى و لا حاجة منهم؟
ايه المشكلة لما الحكومة المصرية ترعى اتفاقيات و مباحثات سياسية بين (الأخوة) العرب المتخانقين؟
انا كان ممكن اسكت على كده و ماعلقش التعليق على اساس ان كل واحد عبر عن وجهة نظره...بس انا مش عايز نرمي اخطائنا و سلبياتنا على غيرنا...:-)

غير معرف يقول...

بسم الله
و الصلاة والسلام على نبي الله وعلى االه وصحبه و من والاه
اما بعد
انا مازلت لا افهم كيف تبحون عن حل الى غزة ارض الرباط و انتم بعد مارلتم على منهج الروافض تاخذون ما اعجبكم من دين محمد و تردون على ما يخالف رغباتكم بانه تطرف و رجعية
كيف كيف كيف

Casper يقول...

عليه الصلاة والسلام
يا خوانا حد فينا شيعى ولا حاجة؟ أصلى اللى اعرفه ان الروافض هما الشيعة ولا ايه؟
:)

Hook يقول...

كبر دماغم يا عم كاسبر...دي ناس مش عارفة يعني ايه روافض و لا شيوعية و لا اشتراكية...اي بطيخ في بعضه المهم يقول كلام كبير و يطلعك ابن كلب عايز الحرق...كده هوه يروح و ينام قرير العين

غير معرف يقول...

السلام على من عرف السلام
يا ابني حتى من الفاضك تضهر مستواك
متارجح ما بين القهوة ومتش كورة ونومة في الزريبة و اما ما يقال عن الروافض فهو صحيح اخذ عن الشيعة لكثرة رفضهم لاحكام الشريعة لخدمة مصالحم او اضهار انفسهم على الحق
اما في ما تعلق بما قاله hatshipust فاقول له ان الاسلام دين وا حد عقيدة واحدة شعب واحد ارض واحد ولكن اعداء الاسلام قسموا الدولة الاسلامية الى قطع استعمارية او اسواق خلفية وزرعوا في اذهان البسطاء ان الوطن هو بضع كيلوامترات مربعة ولكن الوطن هو الاسلام القومية هي الاسلام الاقتصاد هو الاسلام و المواطن هو من قال لا الاه الا الله محمد رسول الله ولو كان في مدغشقر و الارض هي ما خلق الله .

Hook يقول...

الحمد لله انا الفاظي محترمة...لا قبيحة و لا وسخة...لكن بعد ثواني مش هتكون كده...لأن الزرايب تلمك انت و اهلك ان شاء الله

Casper يقول...

يا سيدى وعليكم السلام بس ممكن سيادة الجهبذ يقولنا احنا الجهلاء ايه اللى رفضناه فى دين الاسلام عشان يحكم علينا اننا روافض؟
علمنا مما علمك الله