الاثنين، يونيو 01، 2009

فى الشوارع



فى الشوارع

شئ غريب بينادينى

شئ بيفرض جوا منى حزن عينى

شئ ياخدنى يشدنى

يرمى حزنى عالشوارع


اترسم كل الوشوش

تنقسم بينا المواجع

ابقى واحد منهم

جرحى هو جرحهم

والحقيقة متوهانى


فى الشوارع

حلم عاشق ليل نهار

شفته فى عيون طيبين

حلم مطحون بالمرار

يطرح غناوى المجروحين

ولامتى هانعيش فى انتظار

وعلينا بتمر السنين


اترسم كل الوشوش

تنقسم بينا المواجع

ابقى واحد منهم

جرحى هو جرحهم

والحقيقة متوهانى


فى الشوارع

ليه بنسأل ميت سؤال

والطريق نمشيه وتانى نرجعه

كل حاجة فوق حدود الاحتمال

كل واحد فينا جرحه بيوجعه


اترسم كل الوشوش

تنقسم بينا المواجع

ابقى واحد منهم

جرحى هو جرحهم

والحقيقة متوهانى

هناك 6 تعليقات:

z!zOoOo يقول...

السلام عليكم

يارب تكونوا جميعا بخير

مبسوط انكم استجبتم بسرعه

هو ده الكلام

اصله مش لازم يكون كله موضوعات تغم

كل انسان وليه فكر وهو بيكتب علي حسب الحاله الي بتنتابه ساعتها

يعني ممكن صوره تعبر اكتر من الف كلمه والف موضوع وغنوه تدخل القلب اكتر من دواووين

وحكمه تدخل العقل اكتر من كلام سنين

اختيار موفق الاغنيه جميله ومعبره قوي

والكليب اجمل

مش ده صلاح عناني برضه ولا انا غلطان ؟؟؟

فعلا مكدبش الي قال الفنون جنون

اتمنالكم التوفيق

ومزيد من التواصل والتألق

تحياتي

فشكووول يقول...

العزيز كاسبر
اهلا بيك منورنى
الحقيقه انت عبرت عن اللى كلنا عايزين نقولوه وعن الوجع اللى فينا كلنا
تحياتى وارجو ان لا تنقطع الزيارات وعذرا على التأخير

Casper يقول...

العزيز زيزو شكرا على تعليقاتك وثقتك فينا والبقاء لله متأخرة بس انا ماكنتش اعرف
العزيز فشكول شكرا على مرورك الكريم

Casper يقول...

بالمناسبة يا زيزو نسيت اقولك ان الاغنية كلمات الرسام عنانى فعلا وألحان وغناء مأمون الشناوى

z!zOoOo يقول...

السلام عليكم

يارب تكونوا جميعا بخير

ياريت لو ينفع كده نحاول نعمل مقابله خفيفه كده اهو منه يبقي تعارف

ومنه يبقي تعارف برضه :)

ده طبعا لو حبيت :)

وشكرا علي عزاءك ولا أراك الله مكروها في عزيز لديك


تحياتي

Casper يقول...

ياريت يا باشا والله ده شرف لينا
اشوفك على الماسنجر ونحدد ميعاد