الاثنين، مارس ٠٥، ٢٠٠٧

داستووووووووور

دستورنا يا دستورنا
إن شاء الله هانبيع هدومنا

نتيجة التصويت اللى فات

الزيرو تسعمية والنصب العلنى


استغلال حقير لحاجة وفقر وجهل المصريين، ببساطة هذا هو المصطلح الذى يمكن إطلاقه على هذا الرقم السحرى الذى غزا مصر فى الفترة الأخيرة وخايف دلوقتى افتح الحنفية الاقى واحدة نازلالى ترقص وتقولى اتصل بالرقم الزفت ده

إلحاح غريب وعجيب وكمية مسابقات فى منتهى الغباء واتصل اكتر عشان نسرق فلوسك اكتر وحتى الفنانات والمطربات دخلوا فى الموضوع ده واهى سبوبة وكل عيش

فين الحكومة ومجلس الشعب الموقر وأعضاءه من حملة النصب المنظمة التى تشن ضد المواطن المصرى الغلبان فى جميع القنوات؟ وأين تذهب هذه الأرباح الطائلة أم أن هذه المسابقات تتم لخدمة الله والوطن والمواطن المصرى المطحون؟ وإذا كان جزء كبير من هذه الأرباح يذهب لشركة الاتصالات فلماذا تفاجئنا كل عام بزيادة أسعار المكالمات وادفع الأول وبعدين اشتكى مع ان الشكوى فى مصر لغير الله مذلة ولامؤاخذة محدش هايعبر امك؟


وحتى بقية الاعلانات عن أى منتج أصبحت استغلال للمرأة بشكل فج وفى منتهى قلة الأدب ولنقرأ معا بحث عن استغلال المرأة فى الاعلانات من موقع مفكرة الاسلام بعنوان الغرب والعلمانيون جعلوا المرأة سلعة فى سوق الاعلانات وده طبعا بمناسبة الاحتفال بعيد المرأة فى شهر مارس

تعليقا على موضوع احمد باشا حسن يا قلبى يا كتاكت ياما انت مليان وساكت والحكومة التكترومية


هناك ٧ تعليقات:

غير معرف يقول...

السلام عليكم

اذيك يا ابو البل

انا متابع من مدة قصيرة
وانشاء الله اجيلك فى وقت تاني ونقعد نتكلم فى مواضيع كتيره

ماشي يا ابو البلا

السلام عليكم

Ehab يقول...

:)
ابو ايه؟ الصراحة مش عارف دى شتيمة ولا ايه انما عالعموم اهلا بيك تعال فى اى وقت
وعليكم السلام ورحمة الله وبركاته

zizo8zizo يقول...

سلام عليكم كاسبر
بالنسبة للتعديلات الدستورية
من ال34 مادة
اعرف كام مادة كده هتتعدل
لكن المادة اللي محبش انها يتلعب فيها
هي المادة 88
الخاصة بالاشراف القضائي على الانتخابات
واعتقد ان القضاء هو الشيء الوحيد اللي لسه بنثق فيه بنسبة(%
90
انا متفق معاك في التصويت

حلم الحرية يقول...

هوه قلبي مش بس مليان وساكت
ده مليان ومليان ومليان
لكن لا
هو مليان اه
لكن مش ساكت
هو صابر اه
لكن ساكت لا
هما بيحاولوا يسكتونا اه
لكن نجحوا ..ان شاء الله لا

Ehab يقول...

زيزو باشا انا رأيى ان الدستور ده كله كلام فارغ لان اللى هما عايزينه بيتعمل فى الاخر سواء كان فى الدستور ولا لأ وسلملى على الدستور
الاخت واحدة من الاخوان ماعتقدتش ان فى حاجة نقرد نعملها غير الكلام وياريته يجيب نتيجة

zizo8zizo يقول...

سلام عليكم كاسبر باشا
لما تطلع مظاهرات بالكم ده والناس بتعترض
وبردو رأينا مالوش لزمه
يبقى المفروض نعمل ايه
وحتى السكوت اللي هوا غلط الناس ماسكتتش
هل السكوت وعدم المشاركة في الاستفتاء صح؟
ولا نشارك حتى بكلمة لا؟؟
وتحية الى رجال الامن الشرفاء اللي تصدوا لكل اللي كانوا بيعبروا عن حقهم حتى في الصراخ
كان نفسي ادخل شرطة عشان اتعلم الديمقراطية ههههههه
ملحوظة:
الله يسلمك والتعديلات بتبعت لك بوسة
شكرا

zizo8zizo يقول...

ياجماعة احتفالا بالتعديلات
1-حبس اماني ابو خزيم 8سنين في قضية رشوة
2- الامبولات التي تصيب بالعمى
3-سفاح المعادي اختفى
4-اكياس الدم اتغسلت
5-هالة سرحان والسعداوي سابوا البلد نشبع بيها
6-الالبان مغشوشة في السوق(جديدة دي)
7- منظمات حقوقية واقباط المهجر يقومون بحمله للافراج عن صاحب المدونات المسيئة لله والرسول
كل ده عشان تنتبهو وتعدلوا الداستور
الله يرحمك ياسادات
www.anwarelsadat.com