الأربعاء، فبراير ٢٧، ٢٠٠٨

وادى الصعصعون - الحلقة الأولى


رائعة الأديب العالمى
إدوارد متجلى

"وادى الصعصعون"
فى نسختها المصرية
أرجوك ضم قدميك واقفز سريعا
دراما من واقع العصر والظهر

ترجمة وإعداد
شبطة الميرى

يقدمها للإذاعة: طحشان أبو شرج

أبطال الجزء الأول

المشخصاتية
زكى أنح: فى دور صفية
صفية: فى دور زكى أنح
عراء: فى دور الضحية
غبراوى غشلا: فى دور فؤاد
طلعت الساقلتى: فى دور الضابط
سيد البوهيمى: فى دور الباشا
ايضاليا عيد: فى دور الدندوف
بديوى: فى دور جرين كارد
جوالح: فى دور الغفير
كانى: فى دور صوت سخيف فى الخلفية
ميمى تحسين: عصفورة فى حالة مرض أى مشخصاتى
وضيف الشرف النجم الكبير شعراوى سعيد

إنتاج: شركة ماما زوزو بالاتحاد مع الزلعة الصفرة

ملابس: محسن كسر

مؤثرات صوتية (موسيقى هادية وسيفونيات): إتفو

إنتر بوكس: الشخرتى

ترابيز: الناهى

شخشخنات: فريد صباح الفل

الكورال: مع أطفال مدرسة الإصحاح الخامس

تصميم معارك: بنزهير زكى

إضاءة: دوح

إظلام: حود

ماكس بيوتير (صوت القطار- الديب – البط – وخلافه): فرج

دبلجة: كلاكسن عبدالمقصود

تم تصوير المشاهد الخارجية باستديوهات الشركة فى منزل أم سعيد

شكر خاص لـ
ايضاليا عيد على قبوله الدور
ادارة فندق مين ده؟ (هو إز ذيس؟) العالمية
خيام الإيواء بناحية جبل عصفور
رجال الأمن عشان السبوبة تمشى
الحلقة الأولى
المشهد الأول
فى سراية الباشا


يأتى فى الخلفية صوت الراديو مش مظبوط
الباشا: قوم يا ولد اظبط الراديو
صمت
الباشا: قوم يا ولد اظبط الراديو
صمت
الباشا: ايه الحكاية؟
صوت سخيف: انت ماقلتش ان فى الرواية ولد
الباشا: الله يخرب بيوتكو
ايضاليا عيد: خلاص ... خلاص أنا الولد
الباشا: ربنا يكرمك يا ايضاليا
جوالح: يا باشا سيادتك عارف ان المحموم جاب آخره والربع منه استوى والغيمة علت البشكير وعايزين نخلص
الباشا (فى بلاهة): ايه ده؟
صوت المخرج يأتى فى الخلفية (بصوت واطى جد): ده كلام بالشفرة انا قلته لجوالح يقولهولك
الباشا: بس أنا مش فاهم حاجة
المخرج يتنحنح فى حرج

ويظهر فى الخلفية صوت غناء أطفال مدرسة الاصحاح الخامس يغنون فى حماس
أنا هويت وهرتضيت

الباشا فى فهم واضح: طبعا طبعا يا جوالح بس انا مستنى العفريت لما يجيله الطلق علشان البهارات ماتتفرقش اتمان

دلالة على الشر يظهر فى الخلفية صوت ديب جائع

صوت سخيف: حلوة ياعم فرج
المخرج: يا بااااااااااى
المشهد الثانى
فى القرية


خلفية يظهر فيها صوت عيال بتلعب

عراء: وبعدين فى الظالم ده
جوالح: هو مش هـيـ
صوت باكى: انت يا حمار مع الباشا
جوالح: آسف .. آسف
المخرج: يا بااااااااااى
عراء: وبعدين فى الظالم ده
صفية: قصدك الباشا
عراء: وأضيع آنا
صفية: إيوا اه

دلالة على الشر يظهر فى الخلفية صوت ديب شبعان
ومحاولة فاشلة لإسكات الصوت السخيف
حـ ... لـ ..ه يا ... م م ... فرج

المشهد الثالث
محطة السكة الحديد

بديوى: انت ياعم يا أبو ضهر
الباشا: انت بتكلم مين
جوالح: وسع وصلى عالنبى
بديوى: قتااااال ... قتااااال
الباشا: ايه العبيط ده ... جوالح، خد منه الجرين كارد
بديوى صارخا: لاااااااااا لااااااااااااا إلا الجرين كارد .... آآآآآآآآآه
الباشا: عفارم عليك يا جوالح
بديوى: طيب انا مش هاسكت

يأتى فى الخلفية صوت ديب دلالة على الشر تتخلله بصقة
فرج: آسف أصلى تعبت من التوت – التوت

المخرج: يا بااااااااااى

نهاية الحلقة الأولى

تحديث

لزم التنويه أن هذه القصة من تأليف الشاعر الصعصعونى السوداوى العظيم هطلس وده عشان الكلام مايجيش فيا، كما نرجو من جميع من ينوى قراءة هذه القصة وذنبه على جنبه أن يقرأها باللغة الصعيدية أى بتعطيش الجيم وقلب القاف إلى جيم قاهرية

وشكرا

هناك ١١ تعليقًا:

Hook يقول...

ده انت يا كاشبر و لا ممتاز؟
و لا وجه لاسع جديد؟ :-)

Ehab يقول...

من ده على ده
:)

AUTISM يقول...

يا كاسبر ياريت تنشر اسم صاحب اللي ماتتسمي دي علي الملأ عشان نرد عليه وبلاش من ده علي ده عشان الكلام مايجيش فيك

Ehab يقول...

ادينى نشرته اهو

ســـــــمــــكة يقول...

جميلة اوي..
بجد حلوة

تحياتي

Ehab يقول...

اهو فى ناس معجبة بالقصة اهو يا حتشبسوت امال انتى زعلانة ليه كسرتى بقلب المؤلف ده حتى شاب واعد عايز مساندة وتشجيع وبعدين لسة هاتسخن
:)

غير معرف يقول...

حلوه بجد

غير معرف يقول...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the TV de LCD, I hope you enjoy. The address is http://tv-lcd.blogspot.com. A hug.

غير معرف يقول...

الدبش اللى فشلك مترو

غير معرف يقول...

والشكرمون طاخ فى الترلولى ودايما فشش الهومش بياثر على الدهاليك فى الحنين يالالى

Ehab يقول...

ههههههه
الدبش اللى فشلك مترو يا ريس وهاغير كهربة البيت كله