الأربعاء، أبريل ١٦، ٢٠٠٨

صور للتنمية فى الصعيد

معانا النهاردة ياخوانا صور حقيقية للنهضة التنموية الهائلة التى حدثت فى الصعيد فى عصر مبارك ودى صور لمدينة واحدة بس من مدن أسيوط وهى مدينة صدفا
تمتعوا بالمناظر الخلابة والجمال الطبيعى
وشكرا للمصور





























































هناك ١٥ تعليقًا:

وجهة نظري يقول...

أنا مش عارف بجد الشعب الغريب دا، يا عم إنت مش شايف التنمية والا إية؟؟ الحكومة حتعمل إية أكتر من كده إتقوا ربنا بقي!! عملالكوا بحيرات وكباري خشب ومسرحالكم معيز، ومرضيتش تقفل بلاعات المجاري علشان تسيبلكم حرية الإختيار، لأ وكمان في مواسير مصدية، المطلوب منكم بس تختاروا اللون إلي حتدهنوها بية، ولا عايز الحكومة كمان تختار اللون؟؟ وعاملالكوا كمان أسوار علشان تنشروا هدومكم عليها بدل ما تتكلفوا حبال ومسامير، وحاطة كمان صناديق زبالة أوتوماتيك، ترمي الزبالة من هنا، تندلق علي الشارع تقوم المعزة من دول تاكل وتربرب، تكنولوجيا حديثة، بس المهم إنتوا ترموا في الزبالة حاجة تتاكل أصلا، إوعي تقولي عايز الحكومة ترميلكوا زبالة كمان!! شعب بجد ناكر للجميل، مش مقدر التنمية والتضحية إلي الحكومة بتعملها من جيبها.

لا بس بقي بجد مش هزار، أنا في حاجة مش فاهمها ويمكن أكون ساذج، لو أنا عايش في منطقة زي دي، لي كل الناس متتحدش جهودها تحسن المكان إلي هيا عايشة فية؟؟ مش حقولك يرصفوا الشوارع والا يعملوا جناين، مع إن دا ممكن برضوا بشوية صبر، بس علي الأقل الحاجات إلي مش حتكلف فلوس، مثلا يتفقوا يكنوسوا المنطقة كلها، ميرموش حاجة في الشارع، يجيبوا رمل يردموا المجاري، كل واحد يلم معيزة في حتة مقفولة، لو ممكن يجيبوا حد يصلح الخرران بتاع المجارين حاجات كدة، وحتلاقي نصم جاي من بلاد زراعية، طب يعملولهم مكان خضرة، أي حاجة.

أصل الحكومة والنظام ماتوا من زمان، ومش حيعملوا حاجة خلاص بح، فعلي الأقل كل فرد ينضف ويصلح مكانة لغاية منشوف صرفة في المصيبة السودا دي، بس إنت بتلاقي كل واحد بيخرب مكانة ويرمي الزبالة في الشارع، ومسرع بط ووز ومعيز وفراخ وبعدين بيسألوا عن الحكومة..... لما تصحي الحكومة يحلها ربنا، بس لحد ما تصحي، خلينا إحنا مصحصحين لنفسنا.

التنمية إلي الحكومة بتتكلم عنها مش حتخرج عن بيع الأراضي لمستثمرين أجانب مش حنستفيد منهم حاجة، وكام مشروع خيبان لزوم قروض أصحابنا البعدا، علي لو في مصنع والا إتنين قطاع عام حيخصخصوهم ويضربوا فلوسهم وطار في الهوا شاشي. يعني شوفت أي حتة تانية إتعمل فيها تنمية ونفعت؟

تحياتي

شوقى رجب يقول...

سعدت جدا بزيارتك لمدونتى
اما بالنسبه لموضوعك فبجد الاخ وجه نظرى عنده حق
الحكومه هتعمل ايه اكتر من كده بس

Ehab يقول...

انا معاك فى موضوع ان الناس لازم تعتمد على نفسها فى موضوع النظافة ده بالذات بس لازم تعرف ان ثقافة التعاون ده شكل من اشكال التحضر والثقافة المفقودين عند المصريين
أنا قلت قبل كدة ان فى عهد مبارك حتى أخلاق المصريين تدهورت
ربنا يلطف بينا
شوقى رجب اهلا بيك نورتنا
:)

غير معرف يقول...
أزال أحد مشرفي المدونة هذا التعليق.
غير معرف يقول...

بلدكم انتم اللى عملتو فيها كده وتسناهلو تعيشو اسوأ من كده تستاهلو تعيشو فى البلاعات

Hook يقول...

أكيد الناس عليها جزء من المشكلة...بس صعب تقنع بالنظافة واحد منتهى أحلامه في الدنيا هيا الوجبة التالية ليه و مراته و بيته...
نصيحة صغيرة لوجه الله و الله...حاول تكون أقل حدة في عرض رأيك عشان ما تستفزش اللي قدامك...و يبقى الحوار بناء...بدل ما ينقلب الحوار الى خوار :-)

Ehab يقول...

هههههههه حلوة خوار دى

سيد البنش يقول...

ومن انت يا فسل الافسال حتى تتطاول على اسيوط وشعب اسيوط وتنمية اسيوط واقتصاد اسيوط وتاريخ اسيوط وكرامة اسيةط واهمية اسيوط وموقع اسيوط وعظمة اسيوط ورجال اسيوط وشعب اسيوط وعائلات اسيوط ووفاء اسيوط واخلاص اسيوط وقدرات اسيوط وجمال اسيوط وبيئة اسيوط
انت مجرد فسل جمباري فدع عنك الهرج واترك منك المرج واشرب الشوربة ونام

Ehab يقول...

ربنا يشفيك
:)

غير معرف يقول...

انا ساكن في المكان الي فيه الصور دي واحب اقول انه صح في اماكن مش نضيفة زي دي بس سدقوني المصور مصور اوسخ منطقة في صدفا بس يعني ورى العمارات

لكن بقية المدينه دي في منتهى الجمال
وكل يوم بيعملو حاجات جديدة

ياريت تعرضو الحقيقة كلها مش الجانب المظلم منها.

غير معرف يقول...

ههههه اها اصلي اسيوط والمدن بتاعتها عايزه قرون علشان تنضف عندك ديروط ومنفلوط والقوصي وابو تيج والغنايم دولم في منابع زباله وتهكم علي الناس في العيش والدقيق الي بيتسرق وغير كدا مفتش تموين بايخد شهريا من اصخاب المخابز وغير كدا ياما تلاقي الزباله ااقرب بكتير من الحافظه ياعم انتا اكيد في مصر الي كانت في يوم من الايام كانت هيا الي الاوله في العالم الي بتصدر الحضاره والعلم يلاه لينا راب

غير معرف يقول...

صدفا مدينة جميلة وليست هذة الصور التى تظهر مدينة صدفا فهناك مناطق اخرى جميلة ونظيفة والمهم الناس جزء من المشكلةتعاونالناس هو الاهم وكل بلد فيها وفيها... فخيرالك ان توقدشمعة...من ان تلعن الظلام خالدابوزيد محررصحفى

Ehab يقول...

يا أخى احنا ماقلناس ان صدفا مدينة وسخة كل اللى بنقوله ان فى مناطق عايزة اهتمام اكتر والصعيد كله عايز اهتمام اكبر مش صدفا بس
وبعدين اوقد شمعة ازاى يعنى اروح اشيل انا الزبالة ولا اعمل ايه؟

غير معرف يقول...

لا اله الا الله

غير معرف يقول...

انا من اسيوط وشفت صدفا احنا عاوزين بس الاهتمام مفيش عمال نظافة يؤدون شغلهم بما يرضى الله ولا حد مهتم وع العموم حسبنا الله ونعم الوكيل.