الجمعة، سبتمبر 29، 2006

الأرض بتتكلم عبرى

الأرض بتتكلم عبرى


الأرض بتتكلم عبرى
الأرض الأرض
الأرض بتتكلم عبرى وقوللى شالوم
كلب الدولة من الفيوم
وفلسطين ضاعت يا قوم
الأرض بتتكلم عبرى من برلين
حتى نهاية سور الصين
وشارون مستنى بسكين
الأرض الأرض الأرض
الحكومة بومة
زمة البوز عجوزة
نرضى بيها تقوم علينا
زى مانكون احنا غيرنا
زى مانكون اتفاجئنا
إن دى أوسخ حكومة
تسقط بلادى إن أرادت يوم تبيعنا
ضحك الدقون الدون علينا
شئ يخلى الدم فاير شئ يهينا
مبعوثين سلام بقيتو
مهما روحتو ولا جيتو
شكلكم مفقوس لدبنا
فى الاساس الحكم خاين
من مراكش للمدينة
مبعوتين عالفاضى جيتو
بذرة الأخلاق فنيتو
لليهود السوس بنيتوا
دولة شروة أساسها جيتو
خد تمنها عشرومية
الشريف سابهالكو سهلة
نعترض نحتج فيتو
خد تمنها نهر أردن
نصه ليكم نصه ليهم
فى النهاية الكل ليهم
والأكادة التمثيلية
شادة حيلها من سنين
ينزف الدمع بانين
طالعة روحنا مين يبالى
والأسامى كتير وياما
كله عامل فبها هامة
والحقيقة الكل واطى
مضروبين بالصرمة نلحس
خلف نسر ودب نلهث
والأمير رئيسى ملكى
فى اجتماعه ويا فلكى
شافله فنجانه وطمنه
إن مدة حكمه جايز
قد تطول لسنين عديدة
واحنا نضرب فى القزايز
مانلاقيش حتة الحديدة
قد تطول لسنين عديدة
يلقى شعبه عالحديدة
يلسعه فترة جديدة
باستفتا جايز وجايز
فى النهاية الحزب فايز
فى اجتماع قمة ضرورى
قرر الجمهور حضورى
طرد أى حمار يحاول
يجعل الموضوع ضرورى
يعنى مش لازم سخونة
كلمتين اهلين جيتونا
مرة شجب أو مرونة
مرة نوعدكوا بمعونة
ماحنا عارفين اللى فيها
دم شهداءنا هدر
كام دولار درهم لافيهم
خللى بنت الكلب تسكت
تنضرب تنهان وتصمت
تنتهك حرمة حرمها
والحمير بعقال تأكد
هادا والله ماكو حال
هادا ما يرضى الإله
الإله عليكوا غاضب
ياللى غاصبين المناصب
ياللى نايمين عالمراتب
دوركم الضربة اللى جاية
حبتين والعم يجهز
عالنيران الشوى يجهز
والدواير لافة لافة
حبة بصرة وحبة ضفة
شعر محمد ممتاز عبدالقادر
كاريكاتير شريف عرفة من موقع

هناك تعليقان (2):

kolo_tamam يقول...

ميه ميه يا مان
بس كل اللى اقدر اقلهولك ربنا يستر عليك لانك كده شكلك هتتاخد تحرى بس برافو عليك

غير معرف يقول...

تقدر تقول الكلام دا قدام احمد بيه الرفاعى ؟؟