الاثنين، نوفمبر ٢٧، ٢٠٠٦

أنا لا أنمو ولكنى اتمدد

تحذير

هذا الشعر يحتوى على بذاءات


انا لا أنمو ولكنى أتمدد
وارجع تانى الت عجينى
واغسل وادعك فى طبق صينى
علشان ينضف
علشان الهف فرحة رخيصة
واستجدى لوحدى التفليصة
بكلام كامل ناقص معنى
لحن يغنى من غير معنى
الموضوع اصله مايستاهل
وجعاك راسك تستاهل
خليك صادق مرة وصارح
فجر الليل الضلمة الكالح
ينزاح حمله بشق صباح
كنكة وجردل بالمفتاح
شايف ودنك بالمرآة
شارب مية بالمسقاة
زى الفل الكل ماعدا
شخص مندل زى العادة
ثورة ومنصب حرب إبادة
بالتطهير الشامل نادى
رد عليه الكون بزيادة
شمس الدين التازى المؤذى
طمعان ياخد راتب مجزى
من غير ماتعب: آه من غير
تاخد تنهب ..... آه من الغير
شر الدنيا عندك خير
الشرابات النايلون موضة
حابسة الشبشب جوة الأوضة
والمركوب يرقع زغرودة
يضرب كف بايد قبقاب
يلا يا قمرالدين إرهاب
الخولات مزنوقة فى فكة
خزنة ماله تسعة وتكة
تلقى دوسيه جنبه دوسيه
تحته مسدس فوقه بوكيه
على كام ورقة هايفة وسكة
ياما السيرك المضحك بكا
أد ماتضحك جوة جنازة
نص الميتم مالهوش عازة
زى الفجل ماحطه فى فازة
زيك لما بتكتب هذا
هذا وذاك اللى بتحكيهم
هلس فى هلس بتلضم فيهم
والأفا فاكر إنك شاعر
وانت تقول وتعيد فيهم
للشاعر محمد ممتاز عبدالقادر
انتظروا قريبا الفصل الأول من رسالة فلسفة الدندفة

هناك ٣ تعليقات:

كبير المتشردين يقول...

علي فكرة كلامها معقول بس الخروج عن الحياء مرفوض بكل انواعه يا ابن الصعيد وبيتهيألي رجولتك وشهامة الصعايدة تمنع ده

Casper يقول...

مش فاهم فين الخروج عن الحياء ده؟ لو قصدك يعنى على الشتيمة اللى فيها انا كاتب تحذير يا باشا وبعدين خلى بالك انها مش بتاعتى بس الراجل اللى كاتبها بلدياتى برده

osmannnoooo يقول...

ههههههههههه
ابو ممتاز الشاعر و المؤلف الكبير
ابو ممتاز من هواه مش الخروج عن النص
لا دى اكبر من كذة بمراحل
فهو الثائر الثورى
ف انتظار باقى مقالاتك يا ابو ممتاز