الثلاثاء، فبراير 06، 2007

العمر ورايا وقدامى


العمر ورايا وقدامى

وأنا بجرى وبهرى فى أيامى

والسن يسن فى سكينه

وبيدبح فيكى يا أحلامى

وبيبعدنى كتير من الذكرى

وبيرمينى بقسوة فى بكرة

تقدر تنكر إنك ماشى؟

تقدر تهرب من اللى مجاشى؟

ماقدرش ومش ممكن حاهرب

كل مايقدم جلدى وعضمى

كل ماتقدم ذرات حلمى

والاقينى غطسان فى الموجة

وبلطش يمكن فى الهوجة

اتشعلق وامسك فى جزيرة

من جزر الماضى اللى واحشنى

أهو وهم بعيشله وينعشنى

جوة طريق العمر المفنى

أجلى المحتوم يتلقفنى

مين يقدر حتى يوقفنى

وأنا لسة بعيش جوة الماضى

والعمر ورايا وقدامى
شعر محمد ممتاز عبدالقادر

هناك 8 تعليقات:

سيبها على الله يقول...

دة وقعت على شاعر
كلاماتك جميلة ومعبرة ...سعدت بزيارتك لمدونتى وتعليقك على موضوع التدوينة السوداء ياريت تحاولوا نشر الفكرة مادامت راقت لكم فكرتها وسوف اوافيكم بكل ماهو جديد باذن الله تعالى وياريت الا تنقطع الزيارات

Casper يقول...

يا باشا شكرا على المجاملة بس دى مش كلماتى دى كلمات صديقى وبلدياتى محمد ممتاز عبدالقادر وده مؤلف مغمور آخر كتاب نزله فى السوق اسمه شفرة دافنشى وكانوا عاملين عنه ندوة فى معرض الكتاب، بالنسبة لموضوع التدوينة السوداء انا معاك طبعا واكيد انت لاحظت البانر بتاع المبادرة الوطنية ضد التوريث اللى موجود عندى وده موجود فى مدونات كتير، انا نشاطى التدوينى محدود شوية انما انا مستعد طبعا للمساعدة وربنا يوفق وشكرا على زيارتك

A L A B D E L R H M A N . يقول...

مساء الخير



أجلى المحتوم يتلقفنى
مين يقدر حتى يوقفنى
وأنا لسة بعيش جوة الماضى
والعمر ورايا وقدامى


كلمات بسيطة وسلسة ومعبرة جدا
تحياتى
.العَبدِالرَحَمن

Casper يقول...

شكرا لزيارتك وتحياتى ليك واكيد اللى كتب الكلام ده هايفرح جدا برأيك ده

zezozezo يقول...

ايه التقطيع ده انت جيت عالجرح وشكرا أ\محمد ممتاز

غير معرف يقول...

قام الدكتور: محمد ممتاز عبد القادر بتضمين كتابه (شيفرة دافنشي) المنشور عن طريق _دار الحرية للنشر و التوزيع_ برقم إيداع 5759/2006 و تحت الترقيم الدولي رقم: 2-13-20-23-915

بنقل و بدون إذن أو حتى إشارة مقتطفات كاملة من مقال كتب في يناير 2005 و نشر في 20 مايو 2005 علي الشبكة في مواقع مختلفة (علما بأن مقالي نشر مع ذكر المراجع التي كنت قد قرأتها و اطلعت عليها قبل نشره تأكيدا علي أمانة الكلمة و احترام أبداع الآخرين) و منها علي سبيل المثال لا الحصر: موقع محاورات المصريين و رابط الموضوع :

http://www.egyptiantalks.org/invb/index.php?showtopic=14644&pid=165839&mode=threaded&show=&st=&



و العجيب أن المؤلف د. محمد ممتاز. قد نقل مقالي بعد أن صال و جال فيه بقص أجزاء و قطعها و نشرها كمقاطع و فقرات مستقلة بأخطائها اللغوية و النحوية؟؟؟ دون أن يكلف نفسه عناء التصحيح و التهذيب؟!!!

فعلي سبيل المثال في الصفحة رقم 9 من كتاب المؤلف تتضمن نقلا صريحا و دون أية اعتبارات أدبية أو مهنية لأجزاء كاملة من مقالي فالأسطر من 19 و حتي السطر الأول من الصفحة العاشرة تتضمن مقدمة مقالي... و الأسطر من 12 و حتي 18 من الصفحة التاسعة بالمؤلف تتضمن سطوا علي الفقرة الثالثة من مقالي!!!! أما الأسطر من الثاني و حتي الأخير من الصفحة 10 من الكتاب و من السطر الأول و حتي الخامس عشر من الصفحة 11 من ذات الكتاب قد نقلت قلب المقال نصا و قالبا و بين عمر المقال و إصدار الكتاب ما يتعدي 18 عشر شهرا؟!!!! أما الشئ المستفز فهو أنه حتي التعليق الشخصي علي المقال و الذي كتبته بحيدة و بعناية شديدة فقد أستولي عليه المؤلف و نشره بعنوان (التعليق) في الصفحة 12 من كتابه...

أمس ليلا قمت بالاتصال بدار النشر و رد علي صاحبها الذي بادر بالاعتذار منوها أن مسئوليته كدار نشر هي عملية النشر و الحفاظ علي حقوق النشر بينما مسئولية المؤلف هي مؤلفه فقط.. و بادرته بالسؤال عن أهمية ذلك فيما لو تضمن المؤلف سرقة أو نقلا دون أذن أو حتى أشارة... فأجاب عليك الرجوع علي المؤلف و قد وعد بأن يرسل لي عنوانه و رقم هاتفه لمحادثته لكن هذا لم يحدث حتى اللحظة؟؟؟ ولا أدري هل لا يمكن لدار نشر أن تراجع مؤلف ما فيما ينشره أو هل يمكن لمؤلف أن يستولي علي جهدي و جهد آخرين بالتأكيد ليظفر بنشر أسمه علي كتاب لم يعرق أو يكد في تأليفه و هكذا ببساطة تضيع الحقوق....!!!!





و السلام عليكم و رحمة الله

محمد جرامون

Casper يقول...

والله سعادتك الكلام ده تقوله ليه هو او حتى ممكن ترفع قضية لو عندك المستندات اللى تثبتلك حقك
بس الصراحة الراجل فعلا شاعر عامى جامد جدا بغض النظر هو سرق منك ولا لأ

nody يقول...

احساسك روعه وكلماتك مؤثره وعايزين المزيد من اشعارك





from hms