الأربعاء، فبراير 14، 2007

مسلسل يا قلبي يا كتاكت ...ياما انت شايف و ساكت - الحلقة 1

أحمد: ازيك يا باشا؟

إيهاب: أهلا يا مان.

أحمد: أخيرا يا إيهاب...أخيراَ!!

إيهاب: إيه فيه إيه؟!

أحمد: أخيرا حنبقى أحرار...بقينا بني آدميين!!...بقى لينا قيمة...و لا مواطني أوروبا و أمريكا...و ماليزيا و الهند كمان!..أنا مش قادر أمسك دموعي!!...أخيرا جات اللحظة اللي مستنينها من زمان! أخيرا الحكومة استجابت لمطالب الشعب!!!

إيهاب: إيه؟...قطعنا علاقتنا مع إسرائيل و أعلنا الحرب؟!

أحمد: لأ!

إيهاب: قبضوا على ممدوح إسماعيل و حيعدموه على الخازوق؟!

أحمد: لأ!

إيهاب: استنا ما تقولش....حيعملوا انتخابات نزيهة؟!...صح؟!

أحمد: لأ!

إيهاب: يبقى أكيد كانو بيصنعوا سلاح نووي و مخبين علينا من زمان و دلوقتي أعلنوا...شوف الخلابيص!

أحمد: يا عم احنا لاقيين نوى البلح حتى؟!

إيهاب: أمال ايه بس؟

أحمد: الحكومة...

إيهاب: مالها؟...أعلنوا الحرب على الفساد و كل فاسد حيعلقوه من شعر باطه؟!

أحمد: حيعملوا...حيعملوا...

إيهاب: حيعملوا إيه يا عم؟!..لخّص!..أكيد محاكمة عسكرية لضباط و أمناء التعذيب في الداخلية.

أحمد:يوووووووووووووه! لأ!... حيعملوا بريد إلكتروني لكل مواطن! حتى شوف بنفسك هنا!!...تخيل؟!...و لا الحوجة للهوتميل و لا الجي ميل ...لا و كمان إيه يا معلم...2 جيجا مرة واحدة!!...و كمان بيقولوا...إيهاب!...مالك يا ابني..إيهاب!...رد عليا!...رد عليا يا إيهاب...إيهااااااااااااب!!

هناك 12 تعليقًا:

zizo8zizo يقول...

ازيك يامان
شكرا كاسبر باشا على اهتمامك ودمك خفيف
اولا شكرا لردك عليا
ثانبا
ايه الحلاوة دي ياراجل
ناقص برنامج نووي لكل مواطن
وسفن فضاء بدل العبارات المضروبة
تالتا بعد الشر عليك من الفرسة انا بهزر معاك
رابعا ايه البطر ده؟؟؟
الحمد لله على النعم الكتير ونعم تانية زي انهم قضوا على انفلونزا الطيور
وصلحوا القطارات وغيره
ايه التشاؤم ده؟
مستني الحلقة التانية يمكن تتحفني بخبر جديد
والله الحاجة الوحيدة اللي بتفرحني هي الكورة
ومش قادر امنع نفسي من قرايه الجرايد والساسة
مش غاوي نكد
لكن بحب مصر
على فكرة انا كل مرة بسجل نفسي من الاول وجديد عشان اعرف اكتب تعليق
شكرا
وقوللي ازاي ادخل على طول
(من غير فرسة)

Casper يقول...

زيزو باشا شكرا ليك بس مش انا اللى كاتب الموضوع ده، ده صديقى أحمد حسن المشترك معايا فى المدونة انا ايهاب اللى مات فى آخر القصة :) مات من الفرسة
بالنسبة لموضوع التسجيل ده انا كمان عشان اعلق لازم اسجل

حبيبى أحمد باشا حسن ايه الحلاوة دى

zizo8zizo يقول...

الله يرحمك ويحسن اليك
وانت كمان بتسجل؟
ده انجليزي ده يامرسي؟
أستاذ أحمد حسن
كفايه ان اسمك على اسم اجمل كابتن في مصر وهو انسان متدين ومحترف بجد
انت ليه قلت لي على النهاية في أول حلقة؟!!
انا زعلان منك
وبعدين ايه اللي انت شايفه وساكت؟
ياريت تقول اللي في نفسك في الحلقة اللي جاية
ده احنا هنضحك ضوحك
وشكرا على الرد

zizo8zizo يقول...

انت فهمت غلط انا قصدي كل مرة بدخل باعمل اشتراك جديد
ومع ذلك فداكم

:)))

Casper يقول...

ده اكيد عشان نظام البلوجر الجديد اللى مع جوجل هو ملغبط ناس كتير فعلا بقولك ايه لو عندك ماسنجر ضيفنى على ehab_khashaba@hotmail.com ونتفاهم

zizo8zizo يقول...

zizo200340@hotmail.com

zizo8zizo يقول...

يالئيم
حاطط كاسبر
انت عارف اني غاوي كارتون بشكل مرضي
وانت عمرك عشرة وعشرين انا عرفته
لاني شوفي البرونملة بتاعك
وصورة كاسبر كمان
انا عمري 22
ومعايا تجارة انجليزي
ونفسي ابيع بطيخ
انت مخلص ايه
شكلي هاسيح لك في الموقع
بلا سياسة بلا هم

zizo8zizo يقول...

انا مصدوم من الالفاظ دي انها بتنشر على الموقع
انا ما كنتش شوفت موضوع التحرش
والاخت اللي بتشتم والردود اللي مافيهاش ريحة الاخلاق
والالفاظ دي
ما تشجعش ان الواحد يدخل المدونة
ازاي مش بتتحذف؟
احنا متثقفين ولا ايه بالظبط
مسلمين؟؟ وبنتكلم زي بتوع الشارع
ارجو حذف الكلام وملراجعته الاول قبل النشر
وشيلو صفحة التحرش اللي على
google
شكرا

Casper يقول...

:) زيزو باشا مقدرش اشيل تعليق بتاع واحدة ده رأيها وهى حرة تستخدم الالفاظ اللى هى عايزاها وبعدين ماتفتحش سيرة الموضوع ده تانى عشان عملنا قلق وانا عايز انساه اساسا انا كل اللى قدرت عليه ان انا منعت نفسى اشتم اما باقى الناس كل واحد حر
على فكرة احنا برده تجارة انجليزى يعنى انت طلعت ابو زمل
اهلا بيك

zizo8zizo يقول...

xfانا عرفت ازاي ادخل
ومتزعلش اني فكرتك
خلاص
ولو كنت رديت بالفاظها
مكنتش هادخل تاني
ومش هافكرك تاني
واهلا بيك
وبعدين انت مت من المفاجئة
(لا قدر الله)
وفين الحلقة التانية

zizo8zizo يقول...

هوا الواحد لازم يصحى على الاخبار السقع دي
حسبي الله زنعم الوكيل
انا دخلت موقع في البلد
لقيت خبر:
مجلس الشعب
يدين تهكم نائب هولندي على اشرف الخلق
صللى الله عليه واله وسلم
وكفايا علينا هاله خرفان بكسر ال خاء
اللهم ارنا قدرتك فيهم
بتوع السمنة الهولندي
اه يابلد

zizo8zizo يقول...

كاسبر باشا فينك
انت واخد اجازة؟؟؟
اوعي تكون زعلت من اخر تعليق
انا اسف
واهلا بيك يازمل