الأربعاء، يونيو 06، 2007

رسالة إلى شعب مصر...من

ياشعبي حبيبي ياروحي يابيبي
ياحاطك في جيبي يابن الحلال

ياشعبي ياشاطر ياجابر خواطر
ياساكن مقابر وصابر وعال

ياواكل سمومك يابايع هدومك
ياحامل همومك وشايل جبال

ياشعبي اللي نايم وسارح وهايم
وفي الفقر عايم وحاله ده حال

احبك محشش مفرفش مطنش
ودايخ مدروخ واخر انسطال

احبك مكبر دماغك مخدر
ممشي امورك كده باتكال

واحب اللي ينصب واحب اللي يكدب
واحب اللي ينهب ويسرق تلال

واحب اللي شايف وعارف وخايف
وبالع لسانه وكاتم ماقال

واحب اللي قافل عيونه المغفل
واحب البهايم واحب البغال

واحب اللي راضي واحب اللي فاضي
واحب اللي عايز يربي العيال

واحب اللي يائس واحب اللي بائس
واحب اللي محبط وشايف محال

واحبك تسافر وتبعد تهاجر
وتبعت فلوسك دولار او ريال

واحبك تطبل تهلل تهبل
عشان مطش كوره وفيلم ومقال

واحبك تأيد تعضض تمجد
توافق تنافق وتلحس نعال

تحضر نشادر تجمع كوادر
تلمع تقمع تظبط مجال

لكن لو تفكر تخطط تقرر
تشغلي مخك وتفتح جدال

وتبدأ تشاكل وتعمل مشاكل
وتنكش مسائل وتسأل سؤال

وعايز تنور وعايز تطور
وتعمللي روحك مفرد رجال

ساعتها حجيبك لايمكن اسيبك
وراح تبقى عبره وتصبح مثال

حبهدل جنابك واذل اللي جابك
وحيكون عذابك ده فوق الاحتمال

وامرمط سعادتك واهزأ سيادتك
واخلي كرامتك في حالة هزال

وتلبس قضيه وتصبح رزيه
وباقي حياتك تعيش في انعزال

حتقبل ححبك حترفض حلبك
حتطلع حتنزل حجيبلك جمااااال





وصلت إلى إيميلي من مصدر مجهول!!

هناك 20 تعليقًا:

أدهم يقول...

ما شاء الله دا انت فنان , يا عيني عليكي يا مصر بس أحب اقلك حاجة ربنا هو اللي بيدي الملك و هو اللي بينزع الملك , و اللي احنا فيه دي حالة غيبوبة سبابها الربا و و التبرج و اللبس و الخمرة و المخدرات و الرشوة و المنظرة , لو قدرنا نخلص الناس من الحاجات ربنا هيشيل الأبتلاء ده أن شاء الله من علينا

Ahmed Hasan يقول...

لا انا مش فنان و لا حاجة...دي لاقيتها مبعوتة على ايميلي...
أما بالنسبة للربا و الزنا و الرشوة...فالحاجات مستحيل تقضي عليها 100%...بس المهم ما تبقاش عيني عينك...يختشو و يتلمو شوية...

Ahmed Hasan يقول...

حلو الديزاين بتاع قندلتك...قصدي مدونتك يا أدهم...شفته فين قبل كده؟! :)

Casper يقول...

ياااااااااااااااااا موش كدة
يابو حسن يا ملك يا بتاع الحاجات الجامدة
على فكرة المصدر المجهول ده مش انا يا بيه

Casper يقول...

فعلا قندلة .... اقصد مدونة الاستاذ أدهم زى بتاعتنا بس من غير 2 سايدبار
منك لله يا احمد يا حسن انت اللى بوزت لسانى بموضوع القندلة ده

مواطن مطحون يقول...

حاجه حلوه خالص والله حاجه عظيمه جدا انا مبسوط قوى بتلقيح الكلام اهو الواحد يتفش شويه وعلى فكره سبب اللى احنا فيه ده الابتعاد عن الدين والله يا جدعان انا مش شيخ بس والله فعلا لو فين دين وايمان وخوف من الرحمن مكنش حصل ده كله بس تقول لمين اذا كان الطمع والجشع عمت قلوب اللى ما يتسموا. مزيد من التقدم يا استاذ احمد وتتحفنا مواضيعك الجميله المعبره عن ما يجول بقلب 80 مليون مصرى وحصوه فى عين اللى ما يصلى على النبى لا نتحسد ولا حاجه

Ahmed Hasan يقول...

عليه أفضل الصلاة و السلام....

sendbad يقول...

ايه في ايه كلنا كده هانروح في داهية خفوا اللعب شوية دانا البوست الجاي كاتب كلام زي السم

yamen يقول...

جامدة جدا ودمها خفيف


تحياتي ولو اني ماعرفش مين اللي كتبها

Ahmed Hasan يقول...

و لا أنا كمان عارف مين اللي كاتبها يا يامن...بس مش معايا انت ان فيها ريحة "نجم"؟ :)

Casper يقول...

ايوة الريحة دى انا شاممها ضاربة فى نفوخى من امبارح

heba labeb يقول...

اول مرة ازور مدونتك
بس مدونة جميلة
والبوست دة بجد فظيع
على قد ما هو يوجع بس موتنى من الضحك
من كتر الحقايق الى فية
وخلى المصدر مجهول عشان ميروحش فى داهية
تحياتى

bent masriya يقول...

بجد ده اقل واجب هههههههههه حلو التهديد الاخير مهو جاي جاي
مجهود جميل من اللي بعت الموضوع على ميلك يا كابتن احمد حسن
وبالنسبة للاخت هبه
مفيش حاجة مش بيعرفوها مهم اكيد عارفين احمد حسن وميله واكيد يعرفوا اللي بعت له
ههههههههه متزعلش يااحمد مش بخوفك

Casper يقول...

عينى عليك يابو حسن كنت راجل طيب والله

Ahmed Hasan يقول...

ايه ده انتو هتقضوها شفقة؟
لو صعبان عليكم بجد شوفو مين حيبعتلي جبنة و حلاوة!!

Casper يقول...

عيش وحلاوة مش جبنة وحلاوة
مفيش جبنة هناك انت فاكر نفسك فى دريم بارك ولا ايه؟

غير معرف يقول...

جميييييلة اووووي بجد
وبتوجع اووووي برضو
سوسة

غير معرف يقول...

انا بقى شفتها فديو من شاب دمو خفيف والله جميله يا جماعه وكلها كلام حقيقى وهوى اللى بيحصل بالظبط بس برضو انا بحب الحكومه وبحب الريس بجد مش خوف ولا رعب ولا علشان اعيش ومدبهدلشى والبس قضيه احنا بش كد الحبس يا عم احمد الله يرضى عليك

غير معرف يقول...

السلام عليكم
م اخ زكي م الجزائر الى شعب مصر
رسالة م بلد مليو وصف مليو شهيد الى بلد التي كات تلقب بي بلد ام دنيا
يامصر ياشعب مصر التي كانتي بلدنا التاني هيا ام دنيا
اقول على شعر حلو قوي
واقول تاني يالتكم ماتكلمتوش كلام الوسخ على بلد مليو ونصف مليو شهيد علشا خسرتو الجزائر وخسرتو شعبها ولمستو قبور بي كلمة بلد مليو وصف مليو شهيد قلتلو بلد مليون ونف مليو جزمة دي لي جرحت كل الشعب الجزائر

Casper يقول...

إلى الأخ الجزائرى
مش كل المصريين شتموا الجزائريين وفى ناس عندكوا شتمت المصريين إنما مش كل الجزائريين هما اللى شتموا