الأحد، أغسطس 12، 2007

المرايا


قلت أبص في المرايا
يمكن أكون احلويت
فضلت داير أبص
ماخليتش ولا مرايا في البيت
في الحمام في الاودة في دولاب
او متعلقة علي الحيط
شفت
سكت شوية
وبعدين اتخضيت
معقولة انا ضيعت العمر ده كله
وزي مارحت زي ماجيت
معقولة أنا عمري ما فكرت ولا اتغيرت ولا حبيت
وازاي ساكت علي روحي ده كله
وليه استنيت
ياريتني ما كان عندي مرايا
وياريتني ما بصيت


علي سلامة

هناك 12 تعليقًا:

Tesla يقول...

7elwa bs meen 3ali salama da ?

Casper يقول...

والله يا باشا اللى اعرفه عنه انه شاعر عامى وبيكتب لوجيه عزيز بس انا معلوماتى قليلة وحتى القصيدة دى بعتتهالى صديقة مدونة متابعة اعماله اللى بتتنشر فى جريدة الدستور
وشكرا ليك

Nemo يقول...

شعر رائع فعلا يمس القلب
علي سلامة هو مواطن مصري يعمل بالامارت
ووجد في نفسه موهبة الشعر العامي وكان في البداية يكتب لزملائه في العمل واصدقائه
ثم انتشر شعره علي الانترنت واعجب وجيه عزيز بشعره وطلب تلحينه وغنائه
وقاما معا بعمل حفلات عديدة في ساقية الصاوي سوف تجد بعضها علي موقع يوتيوب
تحياتي للجميع

Tesla يقول...

شكرا نيمو عالمعلومه

sendbad يقول...

حلوة ياكاسبر الكلمات دي
اختيار جميل

nemo يقول...

العفو يا تسلا
الواحد بعد ماقرا لعلي سلامة باقول المفروض كاسبر بقي يشيل بين السما والارض والحمار
(الا صحيح هي بين السما والارض دي الحل بتاعها هو الاسانسير مش كده!)
باهرج معاك اوعي تزعل :(

Casper يقول...

:)
انا مش عارف السما والأرض تاعباك فى ايه الظاهر انت عندك فوبيا الأماكن المرتفعة
ماتسيبش نفسك كدة انصحك تتعالج
وعالعموم شكرا عالقصيدة والمعلومات

alrashed يقول...

والله شعرت أن القصيدة تتحدث عني 00 وشكراً لكم 0

نـــــــور يقول...

قصيدة قصيرة لكنها جميلة

اختيار موفق ، أول زيارة لهذه المدونة الجميلة ولن تكون الاخيرة بإذن الله

تحياتي

Casper يقول...

شكرا يا نور على الزيارة وعلى كلامك الجميل والقصيدة دى اللى ادهانى الكابتن نيمو اللى نازل تهزيق فيا انما انا بردو راجل اصيل وبحب انسب الفضل لأهله
وشكرا مرة تانية

nemo يقول...

أحرجتني بكلامك يا كاسبر
كلك ذوق

Casper يقول...

أى خدمة