الأحد، أغسطس ١٢، ٢٠٠٧

المرايا


قلت أبص في المرايا
يمكن أكون احلويت
فضلت داير أبص
ماخليتش ولا مرايا في البيت
في الحمام في الاودة في دولاب
او متعلقة علي الحيط
شفت
سكت شوية
وبعدين اتخضيت
معقولة انا ضيعت العمر ده كله
وزي مارحت زي ماجيت
معقولة أنا عمري ما فكرت ولا اتغيرت ولا حبيت
وازاي ساكت علي روحي ده كله
وليه استنيت
ياريتني ما كان عندي مرايا
وياريتني ما بصيت


علي سلامة

هناك ١٢ تعليقًا:

Tesla يقول...

7elwa bs meen 3ali salama da ?

Ehab يقول...

والله يا باشا اللى اعرفه عنه انه شاعر عامى وبيكتب لوجيه عزيز بس انا معلوماتى قليلة وحتى القصيدة دى بعتتهالى صديقة مدونة متابعة اعماله اللى بتتنشر فى جريدة الدستور
وشكرا ليك

غير معرف يقول...

شعر رائع فعلا يمس القلب
علي سلامة هو مواطن مصري يعمل بالامارت
ووجد في نفسه موهبة الشعر العامي وكان في البداية يكتب لزملائه في العمل واصدقائه
ثم انتشر شعره علي الانترنت واعجب وجيه عزيز بشعره وطلب تلحينه وغنائه
وقاما معا بعمل حفلات عديدة في ساقية الصاوي سوف تجد بعضها علي موقع يوتيوب
تحياتي للجميع

Tesla يقول...

شكرا نيمو عالمعلومه

سندباد يقول...

حلوة ياكاسبر الكلمات دي
اختيار جميل

غير معرف يقول...

العفو يا تسلا
الواحد بعد ماقرا لعلي سلامة باقول المفروض كاسبر بقي يشيل بين السما والارض والحمار
(الا صحيح هي بين السما والارض دي الحل بتاعها هو الاسانسير مش كده!)
باهرج معاك اوعي تزعل :(

Ehab يقول...

:)
انا مش عارف السما والأرض تاعباك فى ايه الظاهر انت عندك فوبيا الأماكن المرتفعة
ماتسيبش نفسك كدة انصحك تتعالج
وعالعموم شكرا عالقصيدة والمعلومات

غير معرف يقول...

والله شعرت أن القصيدة تتحدث عني 00 وشكراً لكم 0

نـــــــور يقول...

قصيدة قصيرة لكنها جميلة

اختيار موفق ، أول زيارة لهذه المدونة الجميلة ولن تكون الاخيرة بإذن الله

تحياتي

Ehab يقول...

شكرا يا نور على الزيارة وعلى كلامك الجميل والقصيدة دى اللى ادهانى الكابتن نيمو اللى نازل تهزيق فيا انما انا بردو راجل اصيل وبحب انسب الفضل لأهله
وشكرا مرة تانية

غير معرف يقول...

أحرجتني بكلامك يا كاسبر
كلك ذوق

Ehab يقول...

أى خدمة