الاثنين، أكتوبر ٢٢، ٢٠٠٧

أحلى فتاوى مع الشيخ حلاوة


بشرى لحكام المسلمين

التعبانين من شعوبهم والشقيانين

فتاوى من كل صنف ولون

بس انت إيدك عالمعلوم

نقلب الحرام حلال والحلال حرام

ودام مولانا السلطان دام


صحيح شعوب تخاف ولا تختشيش

كل كلامهم مفيش مفيش

كفرة مايستاهلوش حتى لقمة العيش

وبيقولوا مولانا السلطان مات

جهلا وبتوع إشاعات

وهايخشوا النار بالميات

طيب عليا الطلاق من كل الستات

لاجلدهم فى ميدان عام

وأفرج عليهم خلقه والعوام

واهو كله فدا مولانا السلطان

وابنه الهمام


بشرى لحكام المسلمين

وكل سنة وهما طيبين

وربنا يخليهم ويموت شعوبهم أجمعين

اللهم آمين

هناك ١١ تعليقًا:

تعبان يقول...

آمين

sendbad يقول...

المرادي مش اعصار
ده بركان غضب
ربنا يستر صراحة
حلوة يواد قوي

hatshipsut يقول...

آمين يا كاسبر
بس ايه الحاجات الحلوة دي
انت في تقدم مستمررررر

Casper يقول...

يا سندباد باشا بلاش مبالغة
حتشبسوت كله بفضل الله ثم توجيهاتك المستمرة
وشكرا

زير النساء يقول...

وأفرج عليهم خلقه والعوام

مش خلقه كلمه تشمل العوام وهم عامة الناس أم انك تقصد بها الكائنات ذات القدره على العوم وبرضو حيبقو خلقه

على العموم مش مشكله ما دمت صعيدى يبقى نعديها

Casper يقول...

ياعم مادام عديتها خلاص لازم تسيح يعنى

hatshipsut يقول...

أظن والله اعلم ان العوام اصلها عام يعوم عوم

يعني يا زير النسا
خف تعــــوم

Kolo_Tamam يقول...

والله كلامك كله حجم عليه العوض
الصح بقه غل والغلط بقه صح
ولسه يامام هانشوف ويا ما فى الجراب يا حاوى
وعجبى
كله تمام

toona_sweetheart@hotmail.com يقول...

أنا اول مرة أدخل موقعكم بصراحة يجنن
بس مش ملاحظين ان النقد ساخن جداص وعموما الناس دلوقتي وخصوصا المسئولين يتبعوا سياسة الجلد التخين يعني اتكلموا اشتموا على كيفكم محدش هيعبركوا ولا حتى هيبسلكوا والقافلة تمشي اسمحلىي بس أعتقد أن دي السياسة الحالية

غير معرف يقول...

ازيك ياكاسبر فين شغلك الجامد؟؟؟انا زيزو

غير معرف يقول...

كاسبر سيبك من الشيخ sweet وخلينا مع انفاق مصر-غزة.زيزو