بشرى لحكام المسلمين
التعبانين من شعوبهم والشقيانين
فتاوى من كل صنف ولون
بس انت إيدك عالمعلوم
نقلب الحرام حلال والحلال حرام
ودام مولانا السلطان دام
صحيح شعوب تخاف ولا تختشيش
كل كلامهم مفيش مفيش
كفرة مايستاهلوش حتى لقمة العيش
وبيقولوا مولانا السلطان مات
جهلا وبتوع إشاعات
وهايخشوا النار بالميات
طيب عليا الطلاق من كل الستات
لاجلدهم فى ميدان عام
وأفرج عليهم خلقه والعوام
واهو كله فدا مولانا السلطان
وابنه الهمام
بشرى لحكام المسلمين
وكل سنة وهما طيبين
وربنا يخليهم ويموت شعوبهم أجمعين
اللهم آمين
هناك ١١ تعليقًا:
آمين
المرادي مش اعصار
ده بركان غضب
ربنا يستر صراحة
حلوة يواد قوي
آمين يا كاسبر
بس ايه الحاجات الحلوة دي
انت في تقدم مستمررررر
يا سندباد باشا بلاش مبالغة
حتشبسوت كله بفضل الله ثم توجيهاتك المستمرة
وشكرا
وأفرج عليهم خلقه والعوام
مش خلقه كلمه تشمل العوام وهم عامة الناس أم انك تقصد بها الكائنات ذات القدره على العوم وبرضو حيبقو خلقه
على العموم مش مشكله ما دمت صعيدى يبقى نعديها
ياعم مادام عديتها خلاص لازم تسيح يعنى
أظن والله اعلم ان العوام اصلها عام يعوم عوم
يعني يا زير النسا
خف تعــــوم
والله كلامك كله حجم عليه العوض
الصح بقه غل والغلط بقه صح
ولسه يامام هانشوف ويا ما فى الجراب يا حاوى
وعجبى
كله تمام
أنا اول مرة أدخل موقعكم بصراحة يجنن
بس مش ملاحظين ان النقد ساخن جداص وعموما الناس دلوقتي وخصوصا المسئولين يتبعوا سياسة الجلد التخين يعني اتكلموا اشتموا على كيفكم محدش هيعبركوا ولا حتى هيبسلكوا والقافلة تمشي اسمحلىي بس أعتقد أن دي السياسة الحالية
ازيك ياكاسبر فين شغلك الجامد؟؟؟انا زيزو
كاسبر سيبك من الشيخ sweet وخلينا مع انفاق مصر-غزة.زيزو
إرسال تعليق