ملعون فى كل كتاب يا عار الخيانة
اللعنة والنار عاللى خان الأمانة
عاشوا على موتنا وموتهم حيانا
عليهم اللعنة فى ترابنا وسمانا
اتردى يابواب البيوت وابعديهم
واتسدى يابواب القلوب واطرديهم
واتفتحى يابواب الجحيم واورديهم
جزاة ماخانونا وباعونا لعدانا
ماتطلعيش يا شمس عاللى يخونا
وماتنطفيش يا نار قلوبنا وعيونا
وماترحميش اللى احنا على قلبه هونا
واكوى بنارنا كل نقطة فى دمانا
من فيلم أغنية على الممر
ابكى ... انزف ... اموت
وتعيشى يا ضحكة مصر
وتعيش يا نيل يا طيب
وتعيش يا نسيم العصر
وتعيش يا قمر المغرب
وتعيش يا شجر التوت
وتلاميذ المدارس
والنورج اللى دارس
والعسكرى اللى دايس عالصعب عشان النصر
يا مراكب
يا صوارى
يا شوارع
يا حوارى
يا مزارع
يا صوامع
يا مصانع
يا مطابع
يا مينا
يا كبارى
يا منادر
يا بنادر
يا بيوت
ابكى ... انزف ... اموت
وتعيشى يا ضحكة مصر
من فيلم البرئ
يا قبضتى دقى على الجدار
لحد ليلنا ما يتولدله نهار
يا قبضتى دقى على الحجر
لحد ماتصحى جميع البشر
لحد ماتتفسر الاسرار
مش فاهم اللى حاصل
لكن بقلبى واصل
واللى مش فاهمه عقلى
بتشرحه السلاسل
يا قلوب بتنزف دم فى العتمة
يا قلوب بتنزف دم وتغنى
سجنوكى بالكلمة
والكلمة غصب عنها وعنى
طلعت من القضبان ومن الأسوار
هناك تعليق واحد:
اختيارات جميله وذوق رفيع
إرسال تعليق