الموضوع ده طبعا جه متأخر بس انا ماشفتش الفيلم غير امبارح بس
الفيلم لما نزل ماكنتش متحمس انى اروح اشوفه انما شفته امبارح بالصدفة
الفيلم رائع جدا وصرخة تحذير قوية ولكن للأسف ضايعة فى الهوا زى كل صرخات التحذير اللى بيطلقها الناس الخايفة على البلد دى وناسها وشبابها
الفيلم ممتع جدا ولكن بعد ماتشوفه هاتحس بحزن على حالة الضياع اللى فيها الشباب المصريين، وحتى لما بيحاولوا يلتزموا ويستقيموا مش بيلاقوا الفرصة ولا المجتمع بيساعدهم على كدة، بالعكس ده يمكن بيعوقهم ويرجعهم لورا
الفيلم طرح اغلب مناقشات الشباب فيما بينهم حتى مسألة التدين والالتزام هل تيجى بالتدريج ولا مرة واحدة؟ وعلى فكرة الموضوع ده مثار خلاف دائم بين الشباب المصريين وكمان مشكلة الاستمرار فى الالتزام اللى بيعانى منها الشباب
الفيلم قدم المشاكل لكن مقدمش أى حلول لأن للأسف مفيش حلول، على الأقل الحلول لايمكن تكون من أفراد وإنما من مجتمع بحاله وبداية من الحكومة طبعا وده واضح جدا فى المشهد الأخير من الفيلم وازاى الكاتب بيطرح أسئلة الشباب اللى هما حاولوا يدوروا ليها على اجابات طول الفيلم ولما يئسوا طرحوها على الناس والمجتمع وطبعا مفيش اجابة
تحية للشاب كاتب القصة والشركة المنتجة التى غامرت بانتاج هذا الفيلم
أبطال الفيلم
هناك ٥ تعليقات:
تعرف يا ايهاب ان الفيلم ده نال استحسان النقاد اكتر من فيلم عمارة يعقوبيان في احد المسابقات...و فاز بالجايزة كمان!
والله يا احمد بيه انا مابعترفش كتير باراء النقاد انا بمشى ورا احساسى بس اول مرة يطلع كلامهم صح
اومال يا ى بتمشى ورا احساسك انته على اساس انك روبى
حسك بالدنيا يا ابو حس
مبلاش انت :)
على فكرة الفيلم دة اكتر فيلم اثر فيا في حياتي ......وبعد اللقطة الاخيرة (معلقين بين السما والارض) حسيت اني جتلي حالة ذهول
فعلا فيلم رائع
سوسة
إرسال تعليق