الأربعاء، أبريل 18، 2007

المرأة قاضية

لست عدوا للمرأة ولست مقتنعا بالسؤال الشائع على ألسنة الناس من المخطئ المرأة أم الرجل؟ فليس كل امرأة خائنة بطبعها وليس كل رجل خائن بطبعه وليس جميع المشاكل الزوجية سببها المرأة فقط أو الرجل فقط، أنا احب المرأة، أحبها فى الطيبة متمثلة فى الأم، أحبها فى الاهتمام والحنان متمثلة فى الزوجة، أحبها فى التواصل متمثلة فى الصديقة، احبها فى أنوثتها ورقتها بوجه عام ولكن مع ذلك اعترض على المساواة مع الرجل فى كل شئ، لا اريد الرجوع إلى عصر سى السيد ولكن الرجل هو الرجل الذى تشعر معه المرأة بالأمان
أيها النظام الحاكم اعترض على أن اقف يوما امام امرأة تحكم بينى وبين خصمى
الخليفة العثمانى ارسل يوما إلى شجرة الدر قائلا إذا لم يكن فيكم رجالا يحكمون بينكم نرسل لكم رجلا يتولى أمركم، وقال صلى الله عليه وسلم لن يفلح قوم ولوا أمرهم امرأة
أيها النظام الحاكم إنها بداية انهيار العدالة فإذا لم يكن فى مصر رجالا يتولون أمر القضاء استوردوا رجالا من الصين
بقلم سندباد
تحديث
شكرا للصديق سندباد وتهنئة له على إنشاء مدونته الجديدة فكرة

هناك 6 تعليقات:

غير معرف يقول...

أكيد في رجال قادرين ....
لكن لما تأخد المرأة فرصة ....أليس من حقها؟

Casper يقول...

بس اذا كان موضوع القضاء ده اساسا مش من حقها تاخد فرصة فيه ليه من اساسه؟

غير معرف يقول...

لازم تاخد فرصة فيه ...عشان هي جزء من مجتمع لاهي متخلفة ولا هي غبية يبقى ليه متثبتش جدارتها ويمكن تكون اجدر
من الرجال
سوسة أسيوط

Casper يقول...

اولا شكرا على تعليقاتك واهتمامك
ثانيا دايما لما بنتكلم فى موضوع المساواة بين الراجل والست بنبقى فى موضع اتهام ان احنا مش بنحترم المرأة وعايزين ننزل من قدرها وخلافه
الموضوع وما فيه ان انا واحد من الناس مش معترف فعلا بالمساواة مش عشان الراجل احسن من الست أو الست احسن من الراجل
انا شايف ان ده سؤال اساسا متخلف لان ماينفعش اقول انهى احسن الشاى ولا السكر لان مفيش وجه مقارنة ده له وظيفة وده له وظيفة يبقى ازاى نساويهم او نعمل مقارنة بينهم؟
الستات فى عصرنا عايزين ياخدوا امتيازات الرجل وفى نفس الوقت تاخد حقها كمرأة يعنى مثلا تطلع تشتغل ولما تركب الاتوبيس وماتلاقيش مكان تبص للرجالة اوى يعنى انتوا ازاى ماتقفوش وتقعدونى دى قلة ذوق وتنسى ان هى بتنادى بالمساواة وانها زيها زى الراجل زى ماهى بتقول
محدش قال ان الستات متخلفين ولا اغبيا كل اللى بنقوله ان ده مش وظيفتها فى الحياة وان ليها وظايف تانية اهم وان الأمة كلها خسرت لما المرأة غيرت اولوياتها وبقى شغلها اهم من بيتها وجوزها وأولادها
وشكرا ليكى مرة تانية

غير معرف يقول...

الست لا تصلح للقضاء
دى مش فيها عيب
دى ليها ظروف
مثل ان المراة عاطفيه و دى بياثر ف حكمها على الامور
و دى ميزة للمراة بس عيب ف القاضى


احمد عثمان

Ahmed Hasan يقول...

ايه ده؟
أول مرة اشوف الموضوع ده...و حيث كده خلوني ادلو بدلوي!

انا مش شايف مشكلة في الموضوع بصراحة...من ناحية الدين هوه "مختلف عليه"...و من ناحية الأعراف الإجتماعية...مانا ممكن أأتمن طبيبة على صحتي...و تشخص المرض و تعمل عمليات...حد قال عشان عاطفية ما تشتغلش طبيبة؟
بس كلمة كمان و بصراحة...فيه حاجات تانية اهم بكتير للست المفروض انها تدور عليها...اسألو الست البسيطة في الصعيد اللي ما تعلمتش...او حرمت من ميراثها الشرعي مثلا و اخواتها اكلو نصيبها...و حطو خط تحت كلمة "شرعي" دي...
الست اللي المجتمع حواليها بيتضهدها....مش امي و لا امهاتكم...الستات اللي في طبقة الكفاف هما اللي انا اقصدهم...
روحو اسألو الست دي ايه رأيها في كون المرأة قاضية و لا وزيرة...و شوفو هترد عليكم تقول ايه!!!