الأحد، سبتمبر 16، 2007

حكايات في الغربة


حكايات في الغربة

حكايات واقعية من وحي أسايطة متغربين



(1)



استيقظ احمد -35 عاما- مبكرا في السادسة
وقام يعد طعام الافطار ويوقظ زميليه في السكن باسم ابن خالته وعلاء
عشر سنوات مرت علي رحيله من مصر وذهابه للكويت من اجل العمل
تذكر عندما كانت أمه - رحمها الله- تعد له الإفطار وتودعه عند خروجه من المنزل قائلة
"روح يا ابني ربنا يجعلك في كل خطوة سلامة وينور طريقك"
كم أفتقد هذه الايام
صوت امي وودعاءها
كانت تنتظر يوم زواجي بفارغ الصبر
كل أجازة تجهز لي صور فتيات لأختار منهم زوجة
نذهب لزيارة الفتاة والتعرف عليها
ولكن لم أجد الزوجة المناسبة
غالبا لم اجد الوقت الكافي لكي أتعرف علي فتاة بشكل مناسب وأحبها
ينتهي شهر الاجازة بسرعه وأعود للكويت في انتظار الاجازة القادمة
ليتني تزوجت بمن تختارها حتي تفرح قبل موتها
سافرت لكي أحصل علي المال من أجل الزواج
والآن لدي المال والشقة وبلغت 35 عاما ولكني لم أتزوج
ماتت أمي دون أن أودعها
لماذا تغربت إذن !!!!

------------------------

(2)



استقل باسم - 25 عاما-الاتوبيس للذهاب الي عمله بائعا في سوبر ماركت في الكويت
ظل يفكر في حياته
حصل علي بكالوريوس تجارة ولم يجد عملا في مصر
فأرسل له أحمد ابن خالته دعوة لزيارة الكويت
وهناك بحث عن عمل ولو بائعا في سوبرماركت حتي يستخرج اوراق اقامة
وترك مريم خطيبته في مصر
كان يحدثها كل يوم خميس علي الانترنت
أحبها رغم عدم حبه لعائلتها
والدها رجل سكير
اغلب الوقت غائب الوعي
لكنه يحبها بجنون
اتفقا علي كل شئ
حتي اسم أطفالهما
كانا قد اختارا اسم ندي لأول طفلة لهما
ابتسم في نفسه
ثم تذكر كيف ارسلت اليه في يوم تريد محادثته لامر هام
قالت له: " باسم احنا مش هاينفع نكمل مع بعض"
"انتي بتقولي ايه بتهرجي طبعا"
"باسم ارجوك افهمني انت لسه قدامك كتير في الكويت
وحتي لو قدرت تعمل فلوس نتجوز بيهم قوللي هانعيش ازاي ؟
انت في الكويت وانا في مصر وولادنا يتربوا ازاي
وو......"
نسيت حبهما
وبعد ثلاثة أشهر سمع الخبر
تمت خطبتها لرامي صديق عمره
من عائلة ميسورة
وله شقة في عمارة والده
وصل الاتوبيس الي محل العمل
ونزل باسم وارتدي مريلة العمل في السوبر ماركت
وبدأ ينظف المكان...

------------------------

(3)


جلس علاء- 27 عاما- أمام شاشة الكمبيوتر في الشركة التي يعمل بها
وجاء موعد استراحة الغذاء
غادر زميله الهندي المكتب لتناول غذائه
اما علاء فأسرع يفتح برنامج الشات لكي يتحدث إلي حبيبته سمر
وكان قد اتفق معها علي اللقاء يوميا في وقت راحته
سالها عن أحوالها
اخبرته انها تعيش في حالة ضيق ونكد
أمها منعتها من التحدث اليه عبر الانترنت من المنزل حتي تتم خطبتهما رسميا
وطبعا علاء أمامه 6 أشهر علي الأقل حتي ينزل اجازة لمصر
طلبت منه أن يأتي في أقرب وقت فلم تعد تستطيع الانتظار
اخذ يفكر في كلامها
ليس معه نقود تكفي مصاريف الزواج حتي الان
صحيح هو يعمل منذ 4 سنوات بالكويت
لكن مرتبه ليس كبيرا بالدرجة فهو بالكاد يصل 200 دينار كويتي
اي ما يعادل 4000 جنيه مصري يضيع اغلبها في ايجار السكن ومصاريف المعيشة
ويرسل مبلغ لأسرته شهريا يساعدهم به فلديه أربعة أخوة في مراحل التعليم المختلفة
ووالده يعمل بمرتب لا يتجاوز ال 500 جنيه شهريا
لا يستطيع التخلي عن سمر
ولا يعرف ماذا يفعل..
****
لو كنت متغرب احكي قصتك او قصة حد تعرفه وابعت تعليق

هناك 28 تعليقًا:

غير معرف يقول...

ابنة بلدي الغالية ....جهد رائع وعرض شيق وان كنت اتمنى ان كان دفقة الاحساس لدي كل شخصية من شخوص حكاياتك اكثر سطوعاً مما ظهرت ليتجاوز الامر من مجرد سرد ليوميات الي نقل عمق الاحاسيس في الغربة لكل حالة من الحالات الثلاث لكن اجمالاً اسلوب جميل وقدرة متميزة على الحكي ..مع خالص حبي وتقديري

EGYPOP

hatshipsut يقول...

استاذي العزيزي ايجيبوب
مرورك شرف لي
وحكايات الغربة مالهاش اخر
المرة القادمك اوعدك تكون اكثر سطوعا
كل سنة وانت طيب
تحياتي

ايام يقول...

احسن حاجه فى القصص التلاته واقعيتهم ابطالهم موجودين فى كل بيت فى مصر حتلاقى صورهم متعلقه واجسامهم بلعتها الغربه

مجهود مميز

JOE يقول...

فى الغربة
وبحر العمر الممدود
محدود صوت الكلام بالفرح
والجرح هايم فـ السكوت والرغي

hatshipsut يقول...

نعم ايام
ابطال قصص الغربة في كل بيت
شكرا لمرورك

hatshipsut يقول...

جو
بطل احدي القصص
شكرا لتعليقك

Casper يقول...

انا مختلف معاكى فى النظرة السودا دى فى ناس كتيرة اتغربت ونجحت مش كل الناس اللى اتغربت فشلت الموضوع بس محتاج شوية صبر

أمل يقول...

أتمنى معرفة معنى النجاح عند كاسبر يمكن يقصد الفلوس اصل الغربه لو ادتك يبقى على اد ما تدليك حتاخد منك
والغربه زى الصحه لا يمكن تعويضها بالفلوس

امل

ســـــــمــــكة يقول...

صحيتي جرح غريب وذكريات محزنة....يمكن لأني أسيوطية متغربة في الكويت!!!!بجد اما مفتقدة بلدي......تحية خاصة لك

Gid-Do - جدو يقول...

حتشبسوت

الف شكر على زيارتى وتهنئتى بشهر رمضان وانا هنا علشان اقول الف شكر على الزيارة وكل رمضان وانتى ومن تحبى بخير وان شاء الله على رمضان الجاى تكونى حققتى كل احلامك وامالك فى صحة وسعادة وراحة بال

اما عن حكايات الغربة فقد وصل بنا الحال الى تهريب الزوجات والاطفال فى كراتين بسبب تعنت الكفيل ـ الخبر فى مدونتى ـ تحياتى

hatshipsut يقول...

الجميلة سمكة
شكرا لمرورك
من كتر عدد المصريين في الكويت بقيت باعتقد انها محافظة مصرية
:)
ربنا يصبرك ع الغربة

hatshipsut يقول...

جدو
نورتنا
نعم قرأت الخبر في الصحف
لا حول ولا قوة الا بالله

Casper يقول...

عزيزتى أمل النجاح فى رأيى حاجة نسبية تختلف تبعا لأهداف كل شخص فينا يعنى ممكن يكون النجاح فلوس إذا كانت الفلوس هدف فى حد ذاتها وأى حد عشان ينجح لازم يضحى بحاجة فى مقابل تحقيق هدفه لأن مفيش حاجة ببلاش ولأن احنا فى الدنيا مش فى الجنة
مش كل الناس خرجت من مصر واتغربت عشان الفلوس انما فى ناس خرجت عشان تتعلم وفى ناس خرجت عشان تحقق مركز اجتماعى مرموق وأكيد دفع تمن تحقيق هدفه غربة وبعد عن بلده واهله واصحابه انما ناس كتير منهم لو سألتيهم لو رجع بيكم الزمن هاتعملوا ايه؟ هايجاوبوا انهم كانوا هايعموا نفس اللى عملوه
وعالعموم مشيناها خطى كتبت علينا

Sampateek يقول...

الاغتراب هدف و ليس وسيلة كما يظن البعض
احيانا لا نستطيع ان نخرج من دائرة الغربة و نجيد دور اللف في الساقية
ربما لاننا نخاف العودة لوطن مات فيه الاحباب
الرحمة و النور على روح والدتك و تاكد ان كل شئ قدر و نصيب


رمضان كريم

hatshipsut يقول...

المتألقة سمباتيك
أسعدنا مرورك
كلماتك تنم عن تجربة الغربة
لا اجد سوي كلماتك في مدونتك
الغربة أشد من الموت
تحياتي
ورمضان كريم

غير معرف يقول...

سؤال هى القصص دى واقعيه يعنى قصص حقيقيه ولا من خيالك

نرمين

الرزق علالله يقول...

ربماتحوي الغربه اكثر ألام ولكن ما كتبت يكفي ....... والمذيد امتاع فلا تحرمينا

زير النساء يقول...

ايه كميه البؤس دي يا حتشبسوت هو انت في انهي دوله عربيه يا ريت نعرف

hatshipsut يقول...

الضيوف نرمين ، الرزق علي الله وزير النساء
نشكركم لمروركم والتعليق
هذه الحكايات حقيقية وابطالها علقوا عليها هنا لم اكتب نهاياتها لانها لم تنتهي بعد
بس يمكن رقم 1 خطب
:)
وانا في نفس الدولة اللي انت فيها ايها البائس

زير النساء يقول...
أزال أحد مشرفي المدونة هذا التعليق.
أمل يقول...

المدعو زير النساء البؤس اللى فى القصص ده حقيقى روح اى قريه فقيره ونائيه فى صعيد مصر وأنت حتشوف قصص اكثر بؤسآ واحيانآ لازم منغمضش عنينا ونلقى الضؤ على قصص البؤس خاصة لو فيها عبره للغير

أمل

hatshipsut يقول...
أزال أحد مشرفي المدونة هذا التعليق.
غير معرف يقول...

مولاتي.. تحية و إحترام.. و أرفع القبعة لموهبتك في السرد...كلامك عن الغربة صعب قوي .. بس المشكلة إن الغربة بقت أحساس داخلي ثابت سواء تغير المكان أو لاء... الواحد بيحس إنه غريب ف بلده..خلاصة القول ما حدش بياخد كل حاجة الغربةبتدي أد ما بتاخد.. يعني لو بطل القصة التانية دة كان ف بلده مكانش خطب أصلا.أخيراً
مدونتك فكرتني بأغنية(أنا من البداية يا غربة بأتحمل... طريق يقرب لقلبي مناه خد عمري بين ليليه و تاه) وصف مثالي للغربة

ثورجي

hatshipsut يقول...

الرفيق ثورجي
شكرا علي مرورك
تحياتي لك ولكل الثوار

غير معرف يقول...

شكرا لك على مجهودك الرائع

яάήđά يقول...

انا دخلت المدونة بالصدفة
وعجبتني وي القصص هذة
وفعلا هو دة اللى بيحصل للشباب بالغربة والجري وراي الطموح
لكن انا اعرف ناس نجحت وحققت مناصب عالية جدا خارج ومصر وحققت احلامها داخل مصر وبتمني الخير للجميع الشباب المتغربين خارج مصر وتحقييق جميع امالهم

waleedwama يقول...

الحقيقه المرة انى اعمل محاسب بالرياض
تعرفو العمل يبداء الساعه 8 ينتهى الساعه 12 كل يوم واحيانا الاكل يكون الساعه 2 بالليل وغير ذلك اشتغل عامل فى المخازن وكل هذا تحت بند انى محاسب

waleedwama يقول...

الغربة صعبة جداااا ولكن لن الله ماذا افعل كل واحد يختار اللى يريحه فى حياته
اختارت العذاب وهو الغربة
عندما اذهب الى الصلاه اجلس مفكر ف بلدى وامى ولكن كل هذا مقابل الفلوس اى فلوس
اشتغل محاسب وعامل مواعيد العمل من 8 الى 12 بالليل لا متهع فانا اعمل بمستودع لا اجد اى شى ترفيهى سوى يوم الجمعه الذى اغسل فيها هدومى يارب محتجالك استغفر الله العظيم