الثلاثاء، سبتمبر 25، 2007

فرحة

فرحة



اسمها فرحة وكانت فرحة في حضن النيل
كانت بسمة بتجري معاها قلوب وتميل
كانت حلوة بضحكة تنور كل الليل
تسهر ويا النيل بتنادي
علي عصفور بجناحه يطير
تحلم انها تبقي معاه
طايرة لفوق
لامسة نجوم السما وياه
وف رقبتها عقد طويل
................

وفي يوم كانت زي عادتها
وجنب النيل كانت قعدتها
شافها غراب
ومسك ايدها
كان غيران من ضحكتها
قال لازم ياخد بسمتها
وعن النيل قام يبعدها
قطع العقد
جرح رقبتها
راحت الفرحة وجات دمعتها
وقامت تجري بعيد وبعيد
تاهت وسط الزحمة ومشيت
دمها سايل علي رقبتها
لقت بستان
من لهفتها
اكلت منه ونامت فيه
صحيت برضه في البستان
فاكرة جماله زي النيل
فضلت تحلم فيه وتغني
بس مافيش عصافير بتطير
وكل شوية الوقت يعدي
والبستان مافيهوش عصافير
رجعت تبكي وتحزن تاني
فين النيل والعصافير
فين النيل والعصافير



( إهداء إلي عزيزتي الجميلة إيزيس... مع حبي)

هناك 18 تعليقًا:

Casper يقول...

فرحة دى بنت واحد صاحبى
حلوة جدا، انتى اللى كاتباها؟

hatshipsut يقول...

امال يعني سرقاها يا كاسبر

sendbad يقول...

حلة اوي المعاني والصور
تحياتي

أسيوطى يقول...

كلمات جميله ومعانى رقيقه بس أشمعنى الاهداء لايزيس ومين الجميله ازيس دى ؟

على فكره انا متابع كل اعمالك وبحييك

اسيوطى قديم

hatshipsut يقول...

تحية لكاسبر وسندباد والاسيوطي وشكرا علي كلماتكم
ايزيس هي فرحة التائهة
اتمني ان تعود لحضن النيل
واستعير كلمات شوبنهور
النيــــــل وطـــــن
............

ردي يا ايزيس

إزيس يقول...

مولاتى العظيمه حتشبسوت

أنت كما أسمك درة الاميرات و جوهرة مصر.. ستعيشين دوما فى قلبى كما عاشت حتشبسوت فى قلوب كل المصريين بحكمتها ورجاحة عقلها وصواب قرارها وحبها لوطنها

دمتى لى دومآ مليكة على عرش فؤادى ودامت لى كلماتك النورانيه الرقيقه مرشدآ لى فى الدرب.

إزيس

hatshipsut يقول...

الغالية إيزيس
عودي ولا تخشي من ست
فقد عرفناه زمنا جبانا
يتراجع أمام كل شجاع يقف أمامه
عودي وسنواجهه معا بلا خوف

حتشبسوت

طارق يقول...

الملكة حتشبسوت قد عاشت ملكة وماتت ملكةفي زمن كانت نساء اوربا تعيش في
الكهوف

كلمات جميله ومعانى ساميه

طارق

عاشق ولهان يقول...

الرقيقه حتشبسوت

أعجبتنى قصيدتك وأتمنى لك مزيدآ من التألق

عاشق ولهان

حماده يقول...

أيه الحجات الحلوه دى 10/10 يا ريس

حماده

hatshipsut يقول...

صديق المدونة طارق
تحية لك وشكر علي تعريفك بي

.......

مرحبا بالعاشق وحمادة
وشكرا علي التعليق

حتشبسوت

زير النساء يقول...

حلوه اوى القصيده دى بس ايه قصتها برضو غربه؟
المره اللى فاتت انتى مسحتى تعلقى يا حتشبسوت رغم انى مش عارفه مسحتيه ليه المره دى ياريت متمسحيش تعليقى واعتبرنى يا ستى معجب بس القصيده البؤس اللى فيها عالى برضو يظهر ان البؤس عندك توجه عام بس ده مينفيش انها حلوه
بالتوفيق يا حتشب

اخوكى زير النساء

Casper يقول...

يا باشا انا اللى مسحت تعليقك لأنى حسيت انك بتهزر وبعدين يا اخى هى بائسة هى حرة عندك كلمة حلوة قولها معندكش خلاص
وشكرا

hatshipsut يقول...

صديق المدونة زير النسا

حكاياتي وقصيدتي بتحكي قصص واقعية لاصدقاء اعرفهم
ومش ذنبي ان فيها بؤس لان ده واقعهم
يمكن انت ماشفتش بؤس ولا عيشته يبقي يا بختك في الدنيا

تحياتي

Hook يقول...

ايزيس و حتشبسوت...انا بقول بدل كاسبر نخليها حتحور


انا بقى رعمسيس!!

hatshipsut يقول...

اهلا بيك يا رعمسيس التاني
علي كده انت بقي فرعون موسي ولا ايه؟
:)

ابتسامة حياة يقول...

كلمات جميلة اوي
معبرة اوي
فيها حكاية
عاشوها كتير
وحسوها كتير

bahi يقول...

انا اموت في الحلو اعطوهاي انا من عائلة عنتر يحيى